ASNN – Niveli i dytë i Kampionatit Kombëtar të Futbollit, që njihet si Kategoria e Parë, ka ngritur dje siparin e sezonit të saj të ri, 2015-2016, me sfidën midis Dinamos dhe Luftëtarit, që u luajt në Kompleksin “Internacional” në Pezë-Helmës dhe që ka përfunduar me fitoren 2-0 të gjirokastritëve falë dygolëshit të Mikel Cankës.
Blutë e kanë nisur kështu me humbje sezonin, duke dëshmuar se nuk kanë asgjë në rregull për të synuar ngjitjen në Kategorinë Superiore. Ndërkohë vijnë tri pikët e para për Luftëtarin që këtë sezon i ka ambiciet e mëdha ku synon ngjitjen në Kategorinë Superiore.
Në takimet e tjera të grupit B, Apolonia është mundur në mënyrë dramatike 2-3 nga Pogradeci, ku dy golat e liqenorëve në fundin e takimit, i shkaktuan humbjen e parë në shtëpi ekipit fierak. Turbina ka zurprizuar në shtëpi Butrintin duke e mundur 1-0 falë golit të Koçit.
Ndërkohë në sfidën Sopoti-Shkumbini nuk ka pasur asnjë gol dhe të dyja ekipet kanë ndarë nga 1 pikë. Në grupin A spikat fitorja e Kastriotit ndaj Erzenit me shifrat 2-1, ku golat e Raboshtës dhe kepit përmbysën golin e shënuar nga Rezi në pjesën e parë të takimit, si dhe ajo 2-0 e Kamzës në shtëpi ndaj Burrelit.
Mamurrasi e ka nisur keq pasi është mundur në shtëpi nga Besa me rezultatin 0-1 falë golit të Bajazitit. Takimi i fundit i javës së parë, ai midis Elbasanit dhe Lushnjës, do të luhet sot duke nisur nga ora 16:00 në Stadiumin “Elbasan Arena”.
Kategoria e Parë
Java e parë
Grupi A
Të shtunën, 12 shtator 2015:
Kastrioti – Erzeni 2-1
Shënues: Raboshta 63’, Kepi 67’ / Rezi 36’
Mamurrasi – Besa 0-1
Shënues: Bajaziti 18’
Kamza – Burreli 2-0
Shënues: Deliallisi 30′ Mehmeti 84′
Besëlidhja – Korabi 1-0
Shënues: Dibra 37’
Ada Velipojë – Iliria Fushë-Krujë 2-2
Shënues: Jubani 34’, Hoxha 70’(a.g.) / Doçi 10’, Lleshi 32’
Grupi B
Të shtunën, 12 shtator 2015:
Dinamo – Luftëtari 0-2
Shënues: Canka 52’, 78’
Butrinti – Turbina 0-1
Shënues: E. Koçi 38’
Sopoti – Shkumbini 0-0
Apolonia – Pogradeci 2-3
Shënues: Rajkoviç 8’, 67’/ A. Çekiçi 64’, Zeqollari 89’, Jahaj 90′
Të dielën, 13 shtator 2015:
Elbasani – Lushnja (16:00)
Stadiumi “Elbasan Arena”, Elbasan
