ASNN – Përtej etheve të Kombëtares, por edhe e kushtëzuar nga pjesëmarrja e Skënderbeut në fazën e grupeve të Ligës së Evropës, ka nisur rrugëtimin e saj veprimtaria e dytë e futbollit në vend, Kupa e Shqipërisë. Ka qenë pikërisht kampionia në fuqi e Shqipërisë, ajo që e ka nisur me një fitore Kupën e Shqipërisë, pasi korçarët kanë fituar 3-0 me Tomorin dhe kanë hedhur hap drejt kualifikimit për në turin tjetër.
Takimi, i luajtur në kompleksin “Tropikal” në Durrës, u dominua krejtësisht nga bardhekuqtë, ndonëse trajneri Mirel Josa, duke parë shkallën e ulët të vështirësisë që paraqiste takimi, por edhe me mendjen te ndeshja e së mërkurës ndaj Vllaznisë, hodhi në fushë rezervat. Edhe pse në pjesën e parë kampionët dominuan në çdo drejtim, nuk mundën të gjenin golin e avantazhit.
Në pjesën e dytë, aktivizimi i Nimagës dhe Berishës i dha tjetër ritëm lojës, duke bërë që shumë shpejt të zhbllokohej rezultati. Kampionët e mbyllin kundërshtarin në 30 metrat e zonës së tyre. Berisha në të majtë është i papërmbajtshëm, duke dërguar topa pa fund në qendër, të cilët fillimisht nuk shfrytëzohen siç duhet. Duhet minuta e 54-t që të vinte goli i parë.
Berisha merr krahun duke parakaluar çdo kundërshtar që i dilte përpara, shërben për Olajinkën, i cili pa vështirësi e dërgon topin në rrjetë dhe i zhbllokon shifrat në 0-1. Pesë minuta më vonë është Olajinka, që shërben nga e djathta për Demën, duke bërë që ky i fundit t’i dërgojë shifrat në 2-0. Minuta e 71-të sjell edhe golin e tretë. Progni hedh në zonë një top të kalibruar dhe ia bën fare të lehtë Demës të shënojë golin e dytë personal.
Kupa e Shqipërisë 2015-2016
Turi i Parë Eliminator – Turi i 32-shes
(16.09.2015 & 30.09.2015)
Grupi A
Tomori – Skënderbeu 0-3 (A1)
Korabi – Partizani (A2)
Besa – Laçi (A3)
Pogradeci – Vllaznia (A4)
Shkumbini – Apolonia (A5)
Dinamo – Bylis (A6)
Luftëtari – Lushnja (A7)
Sopoti – Butrinti (A8)
Grupi B
Naftëtari – Kukësi (B1)
Erzeni – Tirana (B2)
Gramshi – Flamurtari (B3)
Ada Velipojë – Teuta (B4)
Kamza – Elbasani (B5)
Burreli – Tërbuni (B6)
Kastrioti – Besëlidhja (B7)
Iliria Fushë-Krujë – Mamurrasi (B8)
Turi i Dytë Eliminator – Turi i 16-shes
(21.10.2015 & 04.11.2015)
Ekipet e kualifikuara në fazën e dytë eliminatore, do të luajnë ndeshjet me sistem vajtje-ardhje sipas skemës së mëposhtme:
Grupi A
A8 – A1 (C1)
A7 – A2 (C2)
A6 – A3 (C3)
A5 – A4 (C4)
Grupi B
B8 – B1 (T1)
B7 – B2 (T2)
B6 – B3 (T3)
B5 – B4 (T4)
Turi i Tretë – Çerekfinalet
(03.02.2016 & 17.02.2016)
Ekipet e kualifikuara në fazen e tretë eliminatore, do të luajnë ndeshjet me sistem vajtje-ardhje sipas skemës së mëposhtme:
Grupi A
C4 – C1
C3 – C2
Grupi B
T4 – T1
T3 – T2
Turi i katërt – Gjysmëfinalet
(06.04.2016 & 20.04.2016)
Për përcaktimin e çifteve gjysmëfinaliste hidhet short i lirë ndërmjet 4 ekipeve të kualifikuara në këtë tur.
FINALJA
(25.05.2016)
