Në takimin që ngriti siparin e javës së 14-të të Kampionatit Kombëtar të Basketbollit për Femra, Studenti i trajneres së mirënjohur, Fiorentina Mitkut, jo vetëm që ka bërë surprizën, por, duke marrë fitoren e dytë radhazi, këtë herë ndaj Kamza Basket, i ka ndezur edhe më shumë shpresat e veta për të qenë ndoshta në “play-off”.

Aq më tepër që përpara është faza e tretë. Nga një pjesdë e parë, e fituar bindshëm nga Kamza Basket, me shifrat 8-18, ka një përmbysje nga Studenti, që duke fituar pjesën e dytë 21-13, ngushton në pushim rezultatin në 29-31. Fiton pjesën e tretë 18-9 dhe përmbys në 47-40.

E po kështu bën dhe në të katërtën 18-13 dhe në fund 65-53 dhe një fitore bindëse për të besuarat e Fiorentina Mitkut. Takimet e tjera të kësaj jave luhen sot dhe spikat Flamurtari-Tirana, që luhet në Vlorë, duke nisur nga ora 11:00. Dy duelet e tjera, Goga Basket-Elbasani dhe Skënderbeu-Vllaznia, luhen përkatësisht në ora 12:00 dhe 16:00.

Studenti – Kamza Basket    65-53

(8-18, 21-13, 18-9, 18-13)

Kampionati Kombëtar

i Basketbollit – Femra

Java e 14-të

(11-12 mars 2016)

Të premten:

Studenti – Kamza Basket   65-53

Të shtunën:

Flamurtari – Tirana              ora 11:00

Goga Basket – Elbasani     ora 12:00

Skënderbeu – Vllaznia       ora 16:00

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  13        13          0          994-763       26
2. Goga Basket             13          9          4        1011-842       22
3. Tirana                         13          9          4          932-855       22
4. Vllaznia                     13          7          6          894-886       20
5. Skënderbeu              13          6          6          881-905       19
6. Studenti                     14          5          9          787-935       19
7. Kamza Basket          14          4        10          735-837       18
8. Elbasani                    13          0        13          722-941       13