ASNN – Partizani ka mundur pa shumë probleme Elbasanin në takimin e parë të nivelit të dytë të basketbollit të meshkujve, në një ndeshje që foli vetëm për skuadrën kryeqytetase.

Ekipi i Fagut fitoi bindshëm 29-70 duke vijuar në këtë mënyrë të kryesojë Kategorinë e Parë të Kampionatit Kombëtar dhe të pretendojë ngjitjen në Superligë sezonin e ardhshëm.

Pjesa e parë u mbyll në shifrat 2-20, me vendësit që shënojnë vetëm një kosh dhe që për dhjetë minuta janë inekzistentë në fushë. Partizani thellon më tej diferencën edhe në pjesën e dytë duke fituar 10-15 dhe në total 12-35.

E njëjta histori edhe në të tretën, me të kuqtë që nuk ndalen dhe fitojnë 8-16 dhe thellojnë në 20-51.

Elbasani është i pafuqishëm në lojë dhe mundet edhe në të katërtën 9-19 dhe, në total, 29-70 për të kuqtë kryeqytetas.

ELBASANI – PARTIZANI                29-70

(2-20, 10-15, 8-16, 9-19)

ELBASANI: Biçoku, Leka, Isufi, Mata, Kishta / Guxha, Koçiasi, Balliu, Uruçi, Alla. Trajner: B. Sinani

PARTIZANI: Ikonomi, Bardhi, Troja, Gozhdari, Jareci / Kristo, Pylla, Pregja, Qilimi, Dervishi, Selimaj, Ismeti. Trajner: A. Fagu

GJYQTARË: S. Tafilica, E. Shpuza (Shkodër)

Kampionati Kombëtar

i Basketbollit – Meshkuj

Kategoria e Parë

Java e 6-të

(18-19 nëntor 2016)

Të premten:

Elbasani – Partizani                        29-70

Të shtunën:

Skënderbeu – Apolonia     ora 15:00

Tirana Eagles Basket          pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani                                5          5          0          397-228         10
2. Tirana Eagles Basket          4          3          1          264-217           7
3. Elbasani                                5          1          4          298-363           6
4. Apolonia                                4          2          2          220-300           6
5.        Skënderbeu                          4          0          4          240-311           4