ASNN – Kategoria Superiore e Kampionatit Kombëtar të Futbollit ka luajtur të shtunën 3 ndeshjet e para të javës së 31-të të saj dhe, në takimin e luajtur pasdreke, Flamurtari ka mundur Elbasanin me rezultatin 2-1.

Elbasanasit kanë kërcënuar të marrin një pikë në Vlorë, por vendasit kanë gjetur golin e fitores në minutën e fundit të ndeshjes, duke marrë edhe 3 pikët që i mbajnë në mesin e renditjes.

Ndërsa Elbasani është edhe zyrtarisht skuadra e parë që bie nga Kategoria Superiore. Një tjetër skuadër që po lufton të mos zbresë në Kategorinë e Parë sezonin e ardhshëm, është Apolonia, e cila ka fituar 2-1 në fushën e vet ndaj Vllaznisë.

Skuadra fierake është në vendin e parafundit, por tashmë vetëm 4 pikë prapa Teutës. Kjo u fundit u mund sonte minimalisht në fushën e vet nga Partizani, duke mbetur në betejën e mbijetesës.

Nga ana e tyre, të kuqtë kryeqytetas i janë bashkuar Tiranës në kuotën e 63 pikëve. Dy takimet e fundit të javës luhen të dielën dhe, duke nisur nga ora 16:00, Kukësi pret Skënderbeun.

Kjo ndeshje do të sillet për sportdashësit drejtpërdrejt nga Rrjeti i Radio-Televizionit Shqiptar. Ndërsa duke nisur nga ora 19:00, Tirana pret në kryeqytet Laçin dhe dy takimet e së dielës janë përsëritje të ndeshjeve të Kupës në mesjavë.

KATEGORIA SUPERIORE

JAVA E 32-TË

Të shtunën, 25 prill 2015:

FLAMURTARI – ELBASANI          2-1

Shënues: Bregu 5’, Shehaj 90’ / Toçi 67’(11-m.)

Stadiumi “Flamurtari”, Vlorë

APOLONIA – VLLAZNIA                2-0

Shënues: Dimo 50’, Ribaj 87’

Stadiumi “Loni Papuçiu”, Fier

TEUTA – PARTIZANI                      0-1

Shënues: Batha 54′

Stadiumi “Niko Dovana”, Durrës

Të dielën, 26 prill 2015:

KUKËSI – SKËNDERBEU                        (16:00)

Stadiumi “Zeqir Ymeri”, Kukës

TIRANA – LAÇI                                (19:00)

Stadiumi Kombëtar “Qemal Stafa”, Tiranë

Renditja

Nr.       Skuadra         N.        F.         B.        H.        Gsh-Gp          Pikë

1. Skënderbeu 31        20        6          5        49        16        66
2. Partizani 32        19        6          7        35        22        63
3. Kukësi 31        19        6          6        48        21        63
4. Tirana 31        19        6          6        42        21        63
5. Laçi             31        16        9          6        37        16        57
6. Flamurtari 32        10        8          14        27        30        38
7. Vllaznia 32        11        4          17        26        36        34
8. Teuta             32        8        2          22        26        46        26
9. Apolonia 32        6        4          22        13        48        22
10. Elbasani 32        4        1          27        17        64        13