Vincenco Nibali triumfon në etapën e 19-të të Xhiros së Italisë, e cila përfundon me ngjitje në Risul të Francës. Fituesi i Xhiros së Italisë 2013 i ka lënë nga pas dhe i ka stakuar të gjithë në kilometrin e fundit dhe kështu është bërë fituesi i etapës së tretë nga fundi i këtij turi çiklistik.

Fanella e re rozë e Xhiros së Italisë tashmë është kolumbiani Esteban Çavez, që ka ardhur i treti duke qenë 52 sekonda nga vendi i parë i kësaj etape, që ishte Nibali. Ish-kryesuesi i renditjes së përgjithshme të deritanishme, Kruijsvijk, i rrëzuar në dishezë e ka mbyllur etapën duke qenë 4 minuta e 53 sekonda nga Nibali.

Ky i fundit është tashmë i dyti në renditjen e përgjithshme. Mikele Skarponi ka bërë të tijët dy majat ku dhe kanë qenë Çmimet e Mëdha të etapës, që do të thotë në Majën Kopi dhe në Kole del Anjelo në lartësinë 2744 metra, mes mjegullës e dëborës. Shoku i skuadrës së Nibalit i është bashkuar në metrat e fundit, ndërsa e ka ndihmuar atë që të jetë fituesi i etapës.

Ndërkohë Eugert Zhupa ka mbërritur në finishin francez të Risulit në vendin e 103-të duke qenë 36 minuta e 31 sekonda larg Nibalit, ndërsa tashmë nuk ka ndryshuar pozicion në renditjen e përgjithshme, teksa është i 130-ti.

Xhiro e Italisë 2016

Çiklizëm – Meshkuj

Rezultatet teknike të etapës së 19-të

(Pinerolo-Risul, 162 kilometra)

Nr.       Çiklisti            (Kombësia)                           Koha

1)     Vincenco Nibali (Itali)                      4h19’54”

2)     Mikel Nieve (Spanjë)                       + 51”

3)     Esteban Çavez (Kolumbi)              + 53”

4)     Diego Ulisi (Itali)                               + 1’02”

5)     Rafal Majka (Poloni)                        + 2’14”

6)     Alehandro Valverde (Spanjë)        – “ –

7)     Rigoberto Uran Uran (Kolumbi)    – “ –

8)     Georg Preidler (Austri)                    + 2’43”

9)     Nikolas Roshe (Irlandë)                  + 2’51”

10)    Hubert Dupont (Francë)                 – “ –

103)    EUGERT ZHUPA (SHQIPËRI)      36’31”

Renditja e përgjithshme e Xhiros së Italisë

Nr.       Çiklisti            (Kombësia)                           Koha

1)     Esteban Çavez (Kolumbi)              78h14’20”

2)     Vincenco Nibali (Itali)                      + 44”

3)     Stiven Kruijsvijk (Holandë)             + 1’05”

4)     Alehandro Valverde (Spanjë)        + 1’48”

5)     Rafal Majka (Poloni)                        + 3’59”

6)     Bob Jungels (Luksemburg)                       + 7’53”

7)     Andrei Amador (Kosta Rika)          + 9’34”

8)     Rigoberto Uran (Kolumbi)              + 12’18”

9)     Kanstantsin Siutsou (Bjellorusi)   + 13’19”

10)    Domeniko Pozovivo (Itali)              + 14’11”

130) EUGERT ZHUPA (SHQIPËRI)         + 3h45’37”