ASNN – Sikundër në grupin A, apo grupin e Veriut, edhe në grupin B, apo atë të Jugut të Kategorisë së Parë të Kampionatit Kombëtar të Futbollit, java e 17-të ka qenë mjaft e luftuar, çka është dëshmuar nga fakti se nga 5 takime, vetëm njëri prej tyre u fitua nga skuadra vendase, dy të tjerët u fituan nga skuadrat mike dhe dy takimet e tjera u mbyllën në barazim, madje me rrjeta të paprekura.

Kështu, Lushnja duket se e kishte nënvlerësuar Sopotin, që në këtë ndeshje erdhi pa një seancë të fundit stërvitore për shkak të protestës së lojtarëve për pagat e pamarra, dhe e ka paguar këtë nënvlerësim me një humbje minimale në fushën e vet. Skuadra e Artan Banos ka arritur ta ruajë vendin e parë, por vetëm falë një golaverazhi më të mirë sesa Bylisi, që korri fitoren e dytë radhazi në fushë të huaj.

Vetëm pak ditë pasi kishte mundur 2-1 në Pezë-Helmës një rivale direkte si Dinamo, skuadra e trajnerit Roland Nenaj, ka fituar me të njëjtat shifra në Pogradec ndaj ekipit vendas dhe tashmë ka 29 pikë, po aq sa Lushnja dhe një më tepër sesa Sopoti i vendit të tretë. Në vendin e 4-t ka zbritur Butrinti, me 27 pikë, pas atij barazimi të bardhë që mori sot në fushën e vet ndaj Dinamos.

Kjo e fundit mbetet në vendin e 5-të, me 22 pikë, ndërsa Tomori renditet i 6-ti, me dy pikë më pak, pas barazimit pa gola që mori në Kuçovë, në derbin e prefekturës me Naftëtarin vendas. Shkumbini ka lënë fundin e renditjes, duke fituar 1-0 në fushën e vet ndaj Luftëtarit dhe duke u ngjitur në kuotën e 19 pikëve, një më tepër sesa Pogradeci dhe dy më tepër sesa gjirokastritët dhe kuçovarët.

Kategoria e Parë

Grupi B

Java e 17-të

Të mërkurën, 4 mars 2015:

Butrinti – Dinamo                              0-0

Stadiumi “Andon Lapa”, Sarandë

Naftëtari Kuçovë – Tomori               0-0

Stadiumi “Bashkim Sulejmani”, Kuçovë

Lushnja – Sopoti                               0-1

Stadiumi “Roza Haxhiu”, Lushnjë

Pogradeci – Bylis                              1-2

Stadiumi “Gjorgji Kyçyku”, Pogradec

Shkumbini – Luftëtari                      1-0

Stadiumi i Peqinit

Renditja

Nr.       Skuadra         N.        F.         B.        H.        Gsh-Gp          Pikë

1. Lushnja 17        8          5          4        19-9                29
2. Bylis 17        9          2          6        21-18              29
3. Sopoti 17        8          4          5        17-18              28
4. Butrinti 17        7          6          4        19-9                27
5. Dinamo 17        6          7          4        19-14              22**
6. Tomori 17        6          5          6        12-14              20*
7. Shkumbini 17        5          4          8        16-20              19
8. Pogradeci 17        5          3          9        12-16              18
9. Luftëtari 17        5          2          10        11-19              17
10. Naftëtari 17        3          8          6        11-20              17

* Tomorit i janë 3 pikë nga renditja me vendimin e FIFA-s për rastin Vrucina

** Dinamos i janë 3 pikë nga renditja me vendimin e FIFA-s për rastin Putinçanin