Kuqezinjtë do të jenë përballë Portugalisë, Izraelit, Hungarisë, Greqisë dhe Lihtenshtejnit. Trajneri i kësaj përfaqësueseje, Skënder Gega, sot në mesditë përpara gazetarëve sportivë. Portugalia, Izraeli, Hungaria, Greqia dhe Lihteshtejni. Këto do të jenë kundërshtarët e kombëtares sonë të Nën-21-vjeçarëve në Eliminatoret e Kampionatit Evropian të 2017-tës për këtë grupmoshë, ndërsa tanët, pas shortit të hedhur në zyrat e Federatës Evropiane të Futbollit në Nion të Zvicrës, janë në grupin e katërt.

Tashmë ka ndryshuar dhe formati i finaleve të Kampionatit Evropian të futbollit për Nën-21-vjeçarët. Që do të thotë se, nëse në Republikën Çeke, në qershor do të jenë 8 ekipe, mes të cilave dhe Portugalia që ne e kemi kundërshtar, në Poloni pas dy vjetësh do të jenë 12 skuadra finaliste. Me rregullore janë 9 skuadrat e renditura të vendit të parë shkojnë direkt në finale, kurse 9 skuadrat e dyta më të mira të grupeve, të cilat kanë pasur rezultate pozitive kryesuesin e grupit, si dhe të gjitha ekipet që kanë lënë poshtë, do të bëjnë “play-off”.

Prej së cilës dalin dy ekipet finaliste, të cilat do të formojnë fazën finale të Kampionatit Evropian 2017 në Poloni. Ndërkaq, Skënder Gega, si trajneri i Kombëtares kuqezi të Nën-21-vjeçarëve nuk ka bërë asnjë koment për grupin, apo për kundërshtarët që përfaqësuesja e tij do të ketë përballë. Sepse, sipas tij, është lënë që gjithçka të thuhet në konferencë për shtyp, e cila do të zhvillohet sot në mesditë në mjediset e Federatës Shqiptare të Futbollit.