ASNN – Më datë 20 dhe 21 janar 2024 do të luhen ndeshjet e fazës gjysmëfinale të Kupës së Shqipërisë për grupmoshat e Nën-17 dhe Nën-19-vjeçarëve. Në këtë fazë do të vihen përballë skuadrat që kaluan me sukses turin çerekfinale dhe të gjitha ndeshjet do të luhen me vetëm një takim dhe në një fushë asnjanëse, në Kompleksin e Ekipeve Kombëtare në Kamëz.
Përsa i përket grupmoshës së Nën-17-vjeçarëve dy përballjet gjysmëfinale janë Skënderbeu-Tirana dhe Teuta-Partizani. Sfida e parë do të jetë ajo Skënderbeu-Tirana, që do të luhet të shtunën, më datë 20 janar, duke nisur nga ora 10:00, ndërsa ndeshja tjetër, ajo Teuta-Partizani do të zhvillohet të dielën, më datë 21 janar 2024, duke nisur nga ora 10:00.
Përsa i përket grupmoshës së Nën-19-vjeçarëve dy përballjet gjysmëfinale të veprimtarisë së dytë futbollit në vend, Kupës së Shqipërisë, janë Skënderbeu-Partizani dhe Bylisi-Laçi. Ndeshja Skënderbeu-Partizani do të luhet të shtunën më datë 20 janar, duke nisur nga ora 13:00, ndërsa sfida tjetër, Bylisi-Laçi do të zhvillohet të dielën më datë 21 janar 2024, duke nisur nga ora 13:00.
Kupa e Shqipërisë
(Nën-17-vjeçarët)
Gjysmëfinalet:
20 janar 2024:
Skënderbeu – Tirana (10:00)
Kompleksi i Ekipeve Kombëtare në Kamëz
21 janar 2024:
Teuta – Partizani (10:00)
Kompleksi i Ekipeve Kombëtare në Kamëz
Kupa e Shqipërisë
(Nën-19-vjeçarët)
Gjysmëfinalet:
20 janar 2024:
Skënderbeu – Partizani (13:00)
Kompleksi i Ekipeve Kombëtare në Kamëz
20 janar 2024:
Bylisi – Laçi (13:00)
Kompleksi i Ekipeve Kombëtare në Kamëz
