Presidenti i Federatës Shqiptare të Ndeshjeve të Lira, Arjan Rizaj, përmes një postimit në profilin e tij në rrjetin social “Facebook”, ka lajmëruar se të mërkurën e 22 shkurtit 2017, do të zhvillohet Kampionati Kombëtar i këtij sporti, i quajtur ndryshe si “Gladiatori 5”. “Në ketë organizim të radhës, shumë të rëndësishëm, na bashkon pasioni që kemi për këtë lloji sporti ne dhe të gjithë anëtarët e Federatës”, – ka shkruar Rizaj.
“E them këtë, sepse është rritur pjesëmarrja jo vetëm për sportistët shqiptarë që stërviten në vend, por dhe tek ata që jetojnë e punojnë në trevat shqiptarfolëse, apo që kanë lindur nga prindër shqiptarë me banim jashtë vendit, – ka vijuar kreu i organizmit që qeveris këtë sport luftarak në Shqipëri. – Të tillë si Adria Toptani, Elvis Jakupi, Kol Ndreca, Edi Pitarelo, Nikola Pitarelo, apo dhe të tjerë që përfaqësojnë ekipet e tyre, do të jenë pjesëmarrës në këtë kampionat.”
Rizaj ka bërë të ditur dhe kriteret e pjesëmarrjes në këtë kampionat, ku shumë i rëndësishëm do të jetë kontrolli mjekësor. “E kërkojmë këtë kontroll mjekësor, – sqaron ai, – për të garantuar që do të jetë një veprimtari konform statutit të Federatës sonë dhe asaj të Federatës Botërore të Ndeshjeve të Lira. Sepse synimi jonë është që të shmangim sa më shumë të jetë e mundur dëmtimet dhe të garantojmë për secilin garues masa përkujdesje.”
“Së dyti, organizimi me standarde në rritje, me kushte dhe kritere të përmbushura dhe që respektojmë rregulloren, statutin e institucionit të Federatës tregon se ne jemi rritur shumë nga veprimtaria në veprimtari”, – ka përfunduar ai. Duhet theksuar se në tetor të vitit të kaluar, në Pallatin e Sportit “Asllan Rusi”, është zhvilluar dhe Kampionati Botëror i Ndeshjeve të Lira.
Kampionati Kombëtar i Ndeshjeve të Lira
“Gladiatori 5”
Programi i ndeshjeve:
Grupmosha 14-16 vjeç
(peshat 52, 55, 59, 63, 76, 80 kg, tre raunde nga dy minuta)
Denis Kapllani – Isuf Bylyku
Enis Ajdini – Kristian Bakalli
Nikola Pitarelo – Bjorn Rustemi
Grupmosha 16-18 vjeç
(pesha 63, 66, 70, 73 kg, tre raunde nga dy minuta)
Eljo Elezaj – Franko Turku
Gabriel Ranxha – Enea Taipi
Klajdi Çaushi – Elton Dunisha
Enis Kurdiu – Idri Hoxha
Grupmosha +18 vjeç
(pesha 62, 66, 59, 63, 70, 74, 76, 80, 90, +95 kg, tre raunde me nga tre minuta)
Hyqmet Lushi – Renato Dragoti
Rigles Dervishi – Markelian Turku
Kevin Osmanaj – Nazif Baiti
Elvis Jakupi – Eris Plasari
Napolon Tokrri – Klajdi Metani
Ndeshja kryesore e mbrëmjes
Kol Ndreca (Itali) – Kevin Voci (Shqipëri)
Shënim: Në K1, Julian Qallia, Albert Hoxha, Majkëll Kalemi dhe Arben Hysa janë në pritje të kundërshtarit, ndërsa është mundësia e pjesëmarrjes dhe të luftëtarëve të kikboksit në peshat 59, 63, 69, 71 kg.
