ASNN – Kampionati amerikan i basketbollit vijon të prodhojë të papritura. Skuadra e madhe e Los Anxhelos Lejkërs kanë pësuar disfatën e 3-të radhazi në NBA, këtë herë duke u mundur nga San Antonio Spërs me shifrat 143-142. Një kosh i humbur në sekondën e fundit nga i madhi LeBron Xhejms nuk mundi t’i sigurojë fitoren e parë Lejkërsave.
Edhe pse vetë Xhejms bëri një ndeshje të madhe, me 32 pikë të shënuara, 8 topa të zotëruar në tabelë dhe 14 pasime për kosh, sërish Lejkërsat dolën të humbur. Dhe kjo për meritë të kundërshtarit, që të udhëhequr nga Olldrixh e De Rozan, ku i pari shënoi 37 pikë e tjetri 32 pikë, ia doli të sigurojë një fitore të madhe në këtë javë të tretë të NBA-së.
Pas kësaj humbjeje, Los Anxheles Lejkërs mbajnë vendin e parafundit në renditje, me tri humbje në tri ndeshje. Vendin e parë e mban skuadra e Denverit, e cila në tri ndeshje ka siguruar tri fitore. Në ndeshjet e tjera të Konferencës së Perëndimit, Finiksi humbi ndaj Golden Stejt 103-123, Uashington Uizards fitoi 125-124 ndaj Portland, Memfis mundi Utah 95-84, Cikago Bulls u mundën në fushën e tyre nga Dallas me shifrat 109-115, Indiana u mund po në fushën e saj nga Minesota 91-101, Nju Jork Niks u mund nga Miluoll me shifrat 113-124, Sharlots Hornest u mposht nga Toronto me rezultatin 106-127, Orlins fitoi përballë Bostonit 93-90.
NBA 2018-2019
Konferenca e Perëndimit
Renditja
Nr. Ekipi F. H.
- Denver Nagets 3 0
- Nju Orlins 2 0
- Gollden Stejt 3 1
- Dallas Maveriks 2 1
- L.A. Klipërs 2 1
- Memfis Grizllis 2 1
- Portlend Trejlblejzërs 2 1
- San Antonio Spërs 2 1
- Minesota Timbërvulvs 2 2
- Hjuston Rokets 1 2
- Finiks Sans 1 2
- Sakramento King 1 2
- Jutah Xhez 1 2
- L.A. Lejkërs 0 3
- Oklahoma 0 3
