Tirana është kampionia e padiskutueshme e mundjes shqiptare. Tashmë është konfirmuar si e tillë dhe për të rritur, ndërsa bardheblutë kanë zënë vendin e parë si në stilin klasik, apo greko-romak, por dhe në atë të lirë. Dhe jo vetëm si ekip, por dhe si individë bardheblutë kanë dhe sportistët më të mirë të veprimtarisë, që në fakt i ka takuar Kevin Kupit në mundjen klasike dhe Egzon Shalës në stilin e lirë. 13 ekipe, që ishin Tirana, Tomori, Flamurtari, Olimpik G, Kukësi, Besëlidhja, Burreli, Golloborda, Teuta, Vllaznia, Besa, Tërbuni dhe Korabi, kanë sjellë për të dy stilet mbi 90 mundës.

Një veprimtari që është zhvilluar nën masa të rrepta policie, sepse ka pasur dhe shkëndija për konfrontime. Por që në fund janë zbutur dhe deri në fund kampionati kombëtar i të rriturve ka në mënyrën më të mirë të mundshme, organizuar nga Presidenti i Federatës Shqiptare të Mundjes, Martin Biba, dhe Sekretari i Përgjithshëm, Ndriçim Spahiu. Sigurisht që kampionati ka dhënë fitues të ekipeve të tjera, atje ku është dalluar Besëlidhja me tre kampionët e saj Julian Gjelaj, Alban Neçaj dhe Aleksandër Kolbucaj.

Apo kur Golloborda shfaqet me dy kampionë si Orges Margjekaj e Arblin Kurti. Vëllëzerëti Therepeli janë kampion, por Edisoni për Tomorin e Dritani për Flamurtari. Kampion të zakonshëm mund të cilësohen Haxhi Sina e Qamil Bajrami. Por risia është fakti se dhe Besa e ka kampionin e saj për të rritur, teksa bëhet fjalë për Altin Kurti. Pra Tirana është kampione e padiskutueshme e mundjes, sepse e tillë ka qenë sivjet për të rinj, por dhe për moshat e shkollorëve dhe paratërinjve. Por të paktën Kampionati Kombëtar për Të Rritur tregoi se ka dhe elementë të tjerë cilësor nëpër ekipet shqiptare.

Kampionati i 70-të Kombëtar

i Mundjes – Të Rritur 2016

Rezultatet teknike:

Mundje klasike

(Greko-Romake)

Pesha 59 kg  Edison Therepeli (Tomori)

Pesha 66 kg  Kevin Kupi (Tirana)

Pesha 71 kg  Dritan Therepeli (Flamurtari)

Pesha 75 kg  Orges Margjekaj (Golloborda)

Pesha 80 kg  Julian Gjelaj (Besëlidhja)

Pesha 85 kg  Alban Neçaj (Besëlidhja)

Pesha 98 kg  Arblin Karaj (Golloborda)

Pesha 130 kg           Aleksandër Kolbucaj (Besëlidhja)

Si ekip: Tirana 22 pikë

Sportisti më i mirë: Kevin Kupi (Tirana)

Mundje e lirë

Pesha 57 kg  Haxhi Sina (Teuta)

Pesha 61 kg  Orges Lila (Tirana)

Pesha 65 kg  Eriglend Prizreni (Tirana)

Pesha 70 kg  Altin Kurti (Besa)

Pesha 74 kg  Qamil Bajrami (Vllaznia)

Pesha 86 kg  Ormar Lila (Tirana)

Pesha 97 kg  Egzon Shala (Tirana)

Pesha 125 kg           Fatjon Baro (Tirana)

Si ekip: Tirana 31 pikë

Sportisti më i mirë: Egzon Shala (Tirana)