ASNN – Ditën e diel, në Pallatin e Sportit “Flamurtari” të Vlorës, nën kujdesin e Federatës Shqiptare te Mundjes dhe Presidentit të saj Martin Biba dhe në bashkëpunim me Bashkinë e Vlorës dhe Klubit Shumësportësh “Flamurtari” u zhvillua Kupa e Shqipërisë për grupmoshat e Shkollorëve dhe Paratërinjve në stilin greko-romak dhe stilin e lirë.
Në këtë veprimtari morën pjesë rreth 120 mundës nga ekipet e Tiranës, Flamurtari A, Flamurtari B, Besëlidhja, Kukësi dhe Tomori, në stilin greko-romak dhe ekipet e Tiranës, Kukësit, Vllaznisë dhe Tërbunit, në stilin e lirë. Gjate zhvillimit të kësaj veprimtarie u evidentuan disa talente me perspektivë në të ardhmen në këtë sport. Ndeshjet u zhvilluan me një frymë të lartë gare dhe nivel të kënaqshëm konkurrence.
Spikati pasioni dhe puna e palodhur e trajnerëve dhe sportistëve në këtë sport, e cila u shpërblye me rezultatet e arritura. Sipas drejtuesve të Federatës, ajo po punon fort për zgjerimin dhe përhapjen gjeografike të mundjes, duke pasur parasysh që mundja është sport i traditës dhe elitar dhe ka pasur në çdo periudhë rezultate të larta në arenën ndërkombëtare.
Në ceremoninë e mbylljes së kësaj veprimtarie u shpërndanë diplomat dhe medaljet përkatëse të fituesve për çdo peshë dhe ekipet morën çmimet fituese të Kupës së Shqipërisë për grupmoshat e shkollorëve dhe paratërinjve. Për shkollorët, ekip fitues si për stilin e lirë, ashtu edhe atë greko-romak u shpall Kukësi. Ndërkaq, për paratërinjtë Kukësi ishte fitues edhe në stilin e lirë, ndërsa në atë greko-romak, fitues u shpall Tirana.
Kupa e Shqipërisë 2019
për Shkollorët & Paratërinjtë
Rezultatet përfundimtare:
Stili greko-romak
Shkollorët
Ekipet fituese:
- KUKËSI 40 PIKË
- Flamurtari A 32 PIKË
- TIRANA 25 PIKë
Sportistët Kampionë:
Pesha 32 kg Ibrahim Gjoka (Kukësi)
Pesha 35 kg Mikel Troplini (Tirana)
Pesha 38 kg Andi Muça (Tirana)
Pesha 42 kg Klejdi Korkaj (Flamurtari A)
Pesha 47 kg Lobjon Cengu (Kukësi)
Pesha 53 kg Aleksandër Petoshati ( Flamurtari A)
Pesha 59 kg Adolf Dema (Kukësi)
Pesha 66 kg Halil Cengu (Kukësi)
Pesha 73 kg Kejdi Haxhiu (Kukësi)
Pesha 85 kg Rrahman Korbi (Kukësi)
Paratërinjtë
Ekipet fituese:
- TIRANA 40 PIKË
- FLAMURTARI 29 PIKË
- BESËLIDHJA 9 PIKË
Sportistët Kampionë:
Pesha 42 kg Jurgen Yzeiraj (Flamurtari)
Pesha 46 kg Ergi Uku (Tirana)
Pesha 50 kg Ardit Nikolli (Tirana)
Pesha 54 kg Andi Dyshniku (Tomori)
Pesha 58 kg Ardit Zeneli (Flamurtari)
Pesha 63 kg Theodhori Kristani (Flamurtari)
Pesha 69 kg Klodian Shehu (Tirana)
Pesha 76 kg Julian Shehu (Tirana)
Pesha 85 kg Alteo Caca (Tirana)
Pesha 100 kg Enea Troshku (Tirana)
Stili i Lirë
Shkollorë
Ekipet fituese:
- KUKËSI 41 PIKË
- TIRANA 20 PIKË
- TËRBUNI 13 PIKË
Sportistët Kampionë:
Pesha 32 kg Orind Hodo (Kukësi)
Pesha 35 kg Samuel Saraçi (Kukësi)
Pesha 38 kg Mirsat Shehu (Kukësi)
Pesha 42 kg Indrit Qarri (Puka)
Pesha 47 kg Ardit Sadikaj (Tirana)
Pesha 53 kg Klevis Preçi (Tirana)
Pesha 59 kg Mariglen Beqiraj (Tirana)
Pesha 66 kg Eriglen Morina (Kukësi)
Pesha 73 kg Klevis Kovaçi (Kukësi)
Pesha 85 kg Ardit Cenaj (Kukësi)
Paratërinj
Ekipet fituese:
- Kukësi 23 PIKË
- Vllaznia 10 PIKË
Sportistet Kampionë:
Pesha 50 kg Sardian Sinanaj (Kukësi)
Pesha 54 kg Riza Shahu (Kukësi)
Pesha 58 kg Dritan Dida (Kukësi)
Pesha 63 kg Edison Cenaj (Kukësi)
Pesha 69 kg Sidrit Barakurtaj (Vllaznia)
Pesha 76 kg Floriet Guri (Vllaznia)
