Në lotarinë e motit në Asen të Holandës, kjo për Çmimin e Madh të Moto GP-së, ka dalë në evidencë një emër i ri fituesi. Bëhet fjalë për pilotin e “Honda”-s, australianin Xhek Miller, që i ka befasuar të gjithë, ndërsa motoçiklizmi botëror duket se do të jetë tashmë nën rrotat e tij duke nisur që nga ky Çmim i Madh i Holandës.

Australiani është shpallur fitues i një gare, e cila ka eliminuar dhe një pjesë të rrëshqitshme të pistës, ndërsa është ndërprerë për gjysmë ore pas xhiros së katërmbëdhjetë. E kjo për shkak të shiut të rrëmbyeshëm që ka pushtuar në ato momente Asenin dhe Holandën.

Dhe vetëm pasi ka rënë vrulli i shiut janë zhvilluar dhe 12 xhirot e mbetura duke plotësuar kështu Çmimin e Madh të Holandës. Miler ka parakaluar Markez dhe Reding dhe fitorja ka qenë për herë të parë për australianin. Valentino Rosi, i 3-ti në momentin e ndërprerjes së garës pas Doviciozos dhe Petrucit, është rrëzuar në xhiron e 17-të.

Përpara tij janë dorëzuar dhe kanë rënë në “nokaut” Pedroza, Doviciozo dhe Petruci, të cilët deri atëherë ishin protagonistët e një gare shumë të mirë. Lorenco, i cili nuk është shfaqur asnjëherë në këtë garë, e ka fiksuar gjithçka në vendin e dhjetë. Në renditjen e përgjithshme botërore pas Çmimit të Madh të Holandës, Mark Markez shkëputet përsëri nga Horge Lorenco dhe Valentino Rosi.

Renditja e Çmimit të Madh të Asenit:

1)         Xhek Miler (Australi)                        Honda                        22’17”747

2)         Mark Markez (Spanjë)                     Honda                        + 1”991

3)         Skot Reding (Britani e Madhe)      Dukati                        + 5”906

4)         Pol Espargaro (Spanjë)                  Jamaha          + 9”812

5)         Andrea Janone (Itali)                      Dukati                        + 17”835

6)         Hektor Barbera (Spanjë)                 Dukati                        + 18”692

7)         Eugene Laverti (Irlandë e Veriut) Dukati                        + 22”605

8)      Horge Lorenco (Spanjë)                 Jamaha          + 27”604

Renditja e përgjithshme Botërore e Motoçiklizmit:

1)         Mark Markez (Spanjë)                     Honda                        145 pikë

2)         Horge Lorenco (Spanjë)                 Jamaha          121 pikë

3)         Valentino Rosi (Itali)                                    Jamaha          103 pikë

4)         Daniel Pedroza (Spanjë)                Honda                          86 pikë

5)         Maverik Vinales (Spanjë)               Suzuku            79 pikë

6)         Pol Espargaro (Spanjë)                  Jamaha            72 pikë

7)         Hektor Barbera (Spanjë)                 Dukati                          58 pikë