ASNN – Kampionati Botëror i Motoçiklizmit, që njihet si Moto GP, ka zhvilluar sot provat zyrtare të garës së 7-të të këtij sezoni, në një transmetim maratonë që u soll, sikundër deri më tani, drejtpërdrejt nga Rrjeti i Radio-Televizionit Shqiptar. I pari në garën e së dielës do të niset Mark Markezi, i cili ka siguruar një gjë të tillë për të 3-tën herë këtë sezon.
Çmimi i Madh i Katalonjës do të jetë një çështje spanjollësh, pasi të 3 pilotët që do të nisen nga vija e parë janë vendas. Ky është verdikti që provat e reja në pistën e rishikuar të Barcelonës kanë dhënë në përfundim të tyre, në një transmetim maratonë që u soll, sikundër deri më tani gjatë gjithë këtij sezoni, drejtpërdrejt nga Rrjeti i Radio-Televizionit Shqiptar.
I pari në garën e së dielës do të niset Mark Markezi, i cili ka siguruar një gjë të tillë për të 3-tën herë këtë sezon, duke e përshkuar pistën me kohën 1 minutë, 43 sekonda e 589 të qindtat. Në të dy rastet që Markez është nisur i pari, i ka fituar të dyja garat e 2016-ës. Horge Lorenco do të niset nga vendi i dytë, duke mos arritur ta thyejë dot kohën e Markezit.
Por ai ka qenë një çerek sekonde më i shpejtë se bashkëatdhetari tjetër i tij, spanjolli Dani Pedroza, që detyrohet të kënaqet me vendin e 3-të. Një tjetër spanjoll, Hektor Barbera niset i 4-ti, ndërsa pas tij vjen Valentino Rosi, italiani që ka detyrën e vështirë të përballet të dielën, në garën që nis në ora 14:00, me sfidën e 4-shtë të vendasve në Barcelonë.
