Moto GP / Pol Espargaro niset i pari të dielën në Silverstoun

Share Button

AlbanianSport.com 28/08/2021 16:40

ASNN – Më i shpejti në provat zyrtare të së shtunës, gara, drejtpërdrejt në RTSH Sport. Pol Espargaró do të niset të dielën i pari në pistën e Silverstounit, pasi ai ka qenë më i shpejti të shtunën në provat zyrtare. Sikundër i gjithë ky sezon, edhe gara e Çmimit të Madh të Britanisë së Madhe në Moto GP-së, do të sillet për sportdashësit nga Rrjeti i Radio-Televizionit Shqiptar. Kështu, Pol Espargaro ka siguruar për herë të parë si pilot i “Honda”-s nisjen nga vendi i parë në një garë të Moto GP-së, pas provave zyrtare që u mbyllën në mënyrë të paqartë.

Kjo, pasi fillimisht u deklarua se më i shpejti ishte Horhe Martin. Pilot i ri i skuadrës kliente të “Pramak”-ut, pati regjistruar kohën 1 minutë, 58 sekonda e 8 të mijëtat në fundin e seancës së dytë të provave zyrtare, duke thyer kështu rekordin e xhiros dhe duke qenë 8 të dhjetat e sekondës më i shpejtë se të tjerët. Por kjo kohë u fshi, sepse Martin kishte dalë nga itinerari i pistës së Silverstounit gjatë kësaj xhiroje të shpejtë.

Ndonëse fillimisht piloti i “Suzuki”-t, Joan Mir, e më pas ai i “Aprilia”-s, Aleiks Espargaro, ata të “Dukati”-t, Xhek Miller dhe Françesko Banjaja, dhe ai i “Jamaha”-s, Fabio Kuartararo, regjistruan njëri pas tjetrit xhiro të shpejta, gjithçka është vendosur vetëm 30 sekonda para mbylljes së provave zyrtare. Atëherë kur piloti i “Honda”-s, Espargaro, regjistroi kohën 1 minutë, 58 sekonda e 889 të mijëtat, duke lënë kështu prapa Banjajën dhe Kuartararon.

Gjithçka u konfirmua kur xhiroja e shpejtë e Horhe Martin u korrigjua dhe Espargaro siguroi nisjen nga vendi i parë për herë të parë për “Honda”-n, në atë që ka qenë një sezon i vështirë për skuadrën japoneze. Në radhën e dytë të nisjes do të rreshtohen Martin, Mark Marlez dhe Aleiks Espargaro, ndërsa në atë të dytën do të rreshtohen Xhek Miller, Valentino Rosi dhe Johan. Sikundër i gjithë ky sezon, edhe gara e Çmimit të Madh të Britanisë së Madhe në Moto GP do të sillet për sportdashësit nga Rrjeti i Radio-Televizionit Shqiptar.

Artikuj të tjerëFaqja Kryesore

Lëkler nuk ngopet, kërkon tjetër fitore në Las Vegas, ëndërron titullin

Lëkler nuk ngopet, kërkon tjetër fitore në Las Vegas, ëndërron titullin

AlbanianSport.com 15/11/2024 16:05 Lëkler: “Në Las Vegas rikthehemi te fitorja për t’iu afruar titullit

Monako nuk lëviz nga “istikami”, rinovon për garën e saj deri në 2031-shin

Monako nuk lëviz nga “istikami”, rinovon për garën e saj deri në 2031-shin

AlbanianSport.com 14/11/2024 18:30 ASNN – Monako, apo thënë ndryshe Montekarlo, do të vazhdojë

Basketboll – Meshkuj / Mbyllet java e 29-të, Real Madrid nuk lëshon pé

Basketboll – Meshkuj / Mbyllet java e 29-të, Real Madrid nuk lëshon pé

AlbanianSport.com 15/03/2024 23:05 ASNN – Veprimtaria më prestigjioze kontinentale e klubeve në basketboll

Basketboll – Meshkuj / Java e 28-të sjell në parket derbin helen, fiton Olimpiakos

Basketboll – Meshkuj / Java e 28-të sjell në parket derbin helen, fiton Olimpiakos

AlbanianSport.com 14/03/2024 20:55 ASNN – Derbi helen, spektakël në parket. Supersfida e javës së 28-të

Volejboll – Femra / Karshiollu, një ish-trajner i Partizanit për Tiranën

Volejboll – Femra / Karshiollu, një ish-trajner i Partizanit për Tiranën

AlbanianSport.com 14/03/2024 19:05 ASNN – Bylent Karshiollu është trajneri i ri skuadrës së Tiranës

  

Kuqezinjtë në “Gjermani 2024” – Vendi Organizator & Të rejat më të fundit

banner
banner
banner

Arkiva

banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh