ASNN – Rrëzohet Mark Markez, Horge Lorenco fiton në Lë Mans. Lorenco e nis i pari si rrjedhojë e fitores së tij në prova zyrtare dhe fluturon drejt fitores në Çmimin e Madh të Francës. “Ka qenë një garë shumë e gjatë, që nuk mbaronte kurrë, – tha fituesi Horge Lorenco. – Doja të mbaja gjithnjë një hap të lartë për të mos u shpërqëndruar. Kur Doviciozo dhe Markez kanë rënë, kam marrë frymë lehtësisht.”

“Ka qenë një garë shumë e rëndësishme, sepse nëse Markezi do të kishte ardhur i dyti pas meje do të kisha marrë vetëm pesë pikë, – ka shtuar spanjolli. – Kështu kam rikuperuar plot 20 të tilla.” Rosi ka rikuperuar vonesën e së shtunës dhe në finish është pas shpinës së shokut të skuadrës, që tashmë është përsëri në krye të renditjes së përgjithshme të Kampionatit Botëror të Motoçiklizmit.

“Jam i kënaqur, një fundjavë e vështirë dhe janë 20 pikë shumë të rëndësishme, – tha piloti italian. – Isha pak më i shpejtë se Doviciozo dhe Markez, por Lorenco ishte sot shumë më i fortë.” Në këtë mënyrë është konfirmuar dominimi i Jamahës në Lë Mans. I treti Maverik Vinjales me “Suzukin”. “Ndihesha mirë në motorr dhe rifalënderoj ekipin që ka bërë një shumë të mirë dhe të madhe”, – ka thënë Vinjales.

“Xhirot e para të vështira, pastaj kam mundur të shtyjë fort dhe të kontrollojë Danin”, – ka shtuar ai. I tmerrshëm eliminimi i protagonistëve kryesor për të fituar këtë garë. “Dukati” ka qenë pas shpinës së Lorencos, por pas xhiros së dhjetë ka rënë Janone. Rosi kalon Doviciozon dhe Markezin dhe dy xhiro më pas, në të 16-ën çifti ndjekës ka rënë në të njëjtën kthesë. Markez ngrihet dhe mbërrin i 13-ti, ndërsa në vendin e katërt ka qenë Pedroza.

Çmimi i Madh i Francës

Renditja e përgjithshme e garës së Lë Manshit

1)         Horge Lorenco (Spanjë)     Jamaha          43’51”290

2)         Valentino Rosi (Itali)                        Jamaha             +10”654

3)         Maverik Vinales (Spanjë)   Suzuki              +14”177

4)         Daniel Pedroza (Spanjë)    Honda                           +18”719

5)         Pol Espargaro (Spanjë)      Jamaha             +24”931

6)         Aleiks Espargaro (Spanjë) Suzuki              +32”921

7)         Danilo Petruci (Itali)             Dukati                           +38”251

Kampionati Botëror i Motoçiklizmit (Moto GP)

Renditja e përgjithshme e pilotëve:

1)         Horge Lorenco (Spanjë)     Jamaha          90 pikë

2)         Mark Markez (Spanjë)         Honda                        85 pikë

3)         Valentino Rosi (Itali)                        Jamaha          78 pikë

4)         Daniel Pedroza (Spanjë)    Honda                        53 pikë

5)         Maverik Vinales (Spanjë)   Suzuki           49 pikë

6)         Pol Espargaro (Spanjë)      Jamaha          47 pikë

7)         Aleiks Espargaro (Spanjë) Honda                        42 pikë