Australiani ka fituar për herë të parë një Çmim të Madh të këtij sezonit, Valentino Rosi është rrëzuar në xhiron e shtatëmbëdhjetë. Gara është ndërprerë për gjysmë ore për shkak të shiut të rrëmbyer në pistën holandeze. “Një gjë e jashtëzakonshme dhe fantastike”, – ka thënë fituesi Xhek Miller.

“Koha e keqe më ka dhënë një dorë, por jam i kënaqur sepse kam treguar që di se si mund të ecet në Çmimin e Madh të Motoçiklizmit, – ka vijuar ai. Kjo duhet të jetë e qartë për të gjithë. Kam vendosur një pullë për të shuar të gjitha kritikat”. Ndërsa Mark Markez nuk e ka fshehur se “ky vend i dytë vlen sa dhe si një fitore”.

“Ishte një garë në të cilën nevojitej të fitoheshin pikë në optikën botërore, – ka vijuar spanjolli. – Kur Miller më ka parakaluar kam thënë me veten shkon mirë gjithçka edhe me 20 pikët e fituara.” Kurse italiani Valentino Rosi duket se nuk ia ka falur vetes gabimet që ka bërë në Holandë.

“Ishte një gabim i imi, kam qenë me të vërtetë gomar në atë moment, – ka pohuar pa dorashka piloti i “Jamaha”-s. Kam dalë nga kthesa e nëntë më shpejt se sa duhet krahasuar kjo me pjesën e parë të garës. Ishte shumë e lehtë për të gabuar. Një pilot këto gjëra duhet t’i dijë.”