ASNN – Që në provat e kryera në Sepang në fillim të 2020-ës,një alarm portokalli filloi të ndizet në garazhet e skuadrës së “Repsol Honda”. Por jo vetëm kaq, sepse në provat e Çmimit të Madh të Katarit 2020, ngjyra e sinjalit ndryshoi në të kuqe. Pasi fitoi Kampionatin Botëror të Moto GP-së me autoritet absolut në 2019-ën, versioni i ri i motorit “RC213V” shfaqi çështje mjaft kritike që pasqyrohen në pothuajse të gjitha pjesët e pistës së Losail.
Duke e bërë kështu gati një mision të pamundur për Mark Márkezin, Áleks Márkezin dhe dhe Kal Kraçloun të barazohen në shpejtësi me “Dukati”-n, “Suzuki”-n dhe “Jamaha”-n. Një gjë tepër serioze kjo, pasi në atë kohë duheshin më pak se dy javë për të filluar kampionatin, dhe teknikët e fabrikës japoneze nuk arritën të gjejnë arsyet që shkaktuan këto vështirësi. Por Mark Markezi u tregua më i zgjuar dhe arriti t’i zgjidhë këto probleme duke krahasuar motorin e Nakagamit të vitit 2019 me motorin e tij ë ri.
E njëjta gjë kishte ndodhur edhe më parë, me motorin “HRC” të Stefan Bradlit. Kur në sezonin 2018, inxhinierët japonezë përdorën këtë strategji për të parë evolucionin e motorit “Honda” ishte duke krahasuar motorin e vitit të kaluar në Katar, me atë të versionit të ri. Ata e bënë këtë në vitin 2018, pak para se të fillonte sezoni. E tani, kjo gjë nuk është diçka e re. Por kësaj i shtohet edhe dëmtimi në shpatull i Markezit, çka që i përkeqësoi gjërat.
Një hap prapa ky, që më vonë i lejoi markës së themeluar nga Sōiçirō Honda të bënte dy përpara dhe të mbizotëronte Kampionatin Botëror të Moto GP-së në 2018-ën me një dorë të hekurt. Kjo gjë i dha mundësinë pilotit nga Servera të shpallet “kampion bote” në nivelin më të lartë të këtij sporti. Por tani gjithçka mbetet e paqartë në shtëpinë e “Honda”-s. Inxhinierët e “HRC” nuk kanë thënë asgjë të sigurt, por duket se ata do të duhet të punojmë më shumë në elektronikën, me programe të reja.
