ASNN – Njihuni me 20 sportistët më të paguar në histori, Mesi e Ronaldo jashtë 10-shes, dominojnë golfistët, basketbollistët dhe boksierët. Futbollistët nuk janë sportistët më të paguar në botë. Këta janë 20 sportistët më të paguar të të gjitha kohërave, të cilët AlbanianSport.com po jua sjell në 4 ditë, në 4 pjesë dhe sot është pjesa e dytë.
… vijon nga dje
- Rozher Federer
Fitimet e karrierës: 675 milionë Dollarë
Federer kohët e fundit e mori përsëri kurorën e tenistit numër një në botë. Përfitimi i tij gjatë vitit 2017 prej 111.9 milionë dollarë tejkalon totalin e Novak Gjokoviçit (109.8 milionë dollarë), si dhe të Tajgër Udsit që shkon në 110 milionë Dollarë. Zvicerani vijon të fitojë në fushë dhe në banka. Imazhi i tij si sportist i nivelit më të lartë dhe njëherësh mosha e tij sfiduese, i sjellin përfitime marramendëse. Kompanitë e të gjitha llojeve dëshirojnë fort të bashkëpunojnë me tenistin zviceran.
- Majk Tajson
Fitimet e karrierës: 700 milionë Dollarë
Kampioni më i ri i peshave të rënda në historinë e boksit harxhoi 400 milionë dollarë fitime (jo të rregulluara, për inflacion) përpara se të paraqitej për falimentim në vitin 2003. Tajson ka reinvestuar veten në 51 kompani të ndryshme, si një aktor dhe me partneritete afariste rreth lojërave, motorëve dhe qendrave të fitnesit. Ai mund të kishte sot më shumë se 1 miliard dollar të ardhura nëse do të menaxhonte si duhet personalitetin e tij dhe nuk do t’i bënte paratë “rrush e kumbulla” në vitet aktive kur ishte në ring.
- Greg Norman
Fitimet e karrierës: 705 milionë Dollarë
Ashtu si Shek Onil dhe Muhamad Ali para tij, Norman shiti të drejtat e tij të ardhshme të licencimit në Grupin “Authentic Brands”. Megjithatë, kompania “Norman” ruan kontrollin e pasurive të paluajtshme, investimeve dhe operacioneve të dizajnimit të kurseve, por “ABG” do të punojë në interesat e tjera të biznesit në veshje, pajisje, ushqime dhe verë.
- Kristiano Ronaldo
Fitimet e karrierës: 725 milionë dollarë
Ronaldo po rritet vazhdimisht në listat e sportistëve më të paguar dhe si një prej sportistëve më të paguar në botë gjatë tre viteve të fundit, përfitime që shkojnë deri në 100 milionë dollar në vit. Tek Reali i Madridit fitoi shumë, por portugezi vijon të fitojë edhe pasi kaloi tek Juventusi në muajin korrik. Imazhi i tij sjell fitime marramendëse, pavarësisht se muajt e fundi tai pati probleme me akuzat për përdhunim që erdhën nga kontinenti amerikan për një ngjarje të dyshimtë ndodhur në vitin 2009 në SHBA.
- LëBron Xhejms
Fitimet e karrierës: 730 milion Dollarë
Basketbollisti më i mirë i NBA-së shtoi përfitimet nga reklamimi i “Intel dhe “Verizon” dy vite më parë në portofolin e tij, duke iu shtuar përfitimeve që vijnë nga “Nike”, “Coca-Cola”, “Beats” nga “Dre” dhe “Kia Motor”, etj. Mbreti Xhejms zotëron një pjesë në 17 “Pizzas Blaze”, biznesi më i shpejtë në rritje i shërbimit ushqimor të të gjitha kohërave. E thënë ndryshe, LëBron Xhejms nuk është kampion vetëm në parketin e basketbollit, por edhe në fitimet kolosale financiare nga imazhi dhe sponsorizimi.
Vijon nesër…
