ASNN – Ish-sportisti dhe ish-drejtuesi i sportit, Mirjan Hakani,i cili u nda nga jeta pak javë më parë, është përkujtuar sot me një ceremoni të mbajtur në mjediset e Muzeut Historik Kombëtar në kryeqytet.
Miq, bashkëkohës, kolegë dhe dashamirës kanë përkujtuar sot Mirjan Hakanin, ish-sportistin dhe ish-drejtuesin e sportit, që u nda vetëm pak javë më parë nga jeta.
Duke folur për Televizionin Shqiptar, familjarët e tij kanë theksuar se Miri do t’i mungojë mbi të gjitha komunitetit sportiv në vend.
Ndërsa miqtë e tij e vlerësuan Hakanin mbi të gjitha si njeri. Mirjan Hakani u nda nga jeta më 5 dhjetor 2015, në moshën 54-vjeçare.
