ASNN – Veprimtaria e dytë e rrjetës së vajzave, Kupa e Shqipërisë në volejboll për femra, ka mbyllur të dielën në mbrëmje fazën e saj eliminatore, e cila u zhvilluar me sistem grupi, dhe nga ku dolën 4 skuadrat gjysmëfinaliste që do të vazhdojnë më tej betejën për këtë trofe.
Kështi, Partizani mposhti pasdite me lehtësi 3-0 Lushnjën në ndeshjen e vlefshme për Grupin A, duke siguruar kualifikimin për në gjysmëfinale. Takimi i luajtur në Pallatin e Sportit “Ramazan Njala” të qytetit të Durrësit ishte një formalitet për vajzat kryeqytetase, të drejtuara nga trajneri Roland Tarja.
Të kuqet e kryeqytetit e dominuan plotësisht takimin në të 3 setet, duke i fituar dy të parat bindshëm, me të njëjtat shifra, 25-13. Përtej një përpjekjeje, por pa forcën e duhur, të myzeqareve në setin e tretë, Partizani fiton 3-0, ndërsa Lushnja e mbyll këtë veprimtari pa asnjë fitore, në vendin e fundit.
Partizani e mbylli në kuotën 7 pikëve, po penalizohet nga setaverazhi më i dobët përballë Mirditë, që fitoi gjithashtu 3-2 në takimin e fundit të grupit, të luajtur në mbrëmje në Durrës ndaj Teutës. Ekipi rrëshenas ka po 7 pikë, por një setaverazh 9-4, mjaftueshëm më të mirë sesa ai 8-3 i Partizanit, të cilin, për më tepër, e ka mundur 3-2 në përballjen direkte.
Kupa e Shqipërisë
Volejboll – Femra
Grupi A
Dita e parë, 30 nëntor 2018:
Partizani – Teuta 3-0
(25-19, 25-12, 25-19)
Mirdita – Lushnja 3-0
(25-10, 25-11, 25-19)
Dita e dytë, 1 dhjetor 2018:
Lushnja – Teuta 1-3
(12-25, 25-21, 15-25, 11-25)
Mirdita – Partizani 3-2
(25-18, 25-17, 18-25, 17-25, 15-11)
Dita e 3-të, 2 dhjetor 2018:
Partizani – Lushnja 3-0
(25-13, 25-13, 25-21)
Teuta – Mirdita 2-3
(25-22, 14-25, 15-25, 25-23, 12-15)
Renditja
Nr. Skuadra N. F. H. Pikë
- Mirdita 3 3 0 7 9-4
- Partizani 3 2 1 7 8-3
- Teuta 3 1 2 4
- Lushnja 3 0 3 0
