ASNN – Milani ka përgatitur një ofertë të majme për Granit Xhakën, por mbetet për t’u parë nëse 9 milionë euro do të mjaftojnë për ta bindur klubin gjerman.
Sipas prestigjiozes gjermane, “Bild”, klubi kuqezi i ka bërë një ofertë zyrtare Borusias së Mënshengladbahut, në mënyrë që ta bëjë të vetin Granit Xhakën.
Sipas gazetës gjermane në fjalë, krerët e Milanit kanë përgatitur një ofertë prej 9 milionë eurosh për Granitin.
Ky i fundit ka shkëlqyer këtë edicion në fanellën e Borusias, duke qenë një nga mesfushorët më të mirë me tipare mbrojtëse në Bundesligë.
Ndërkohë, pak ditë më parë, në Serinë A u transferuar edhe miku i Xhakës, Xherdan Shaqiri, i cili dje debutoi me fanellën e Interit.
