ASNN – Luhet sonte ndeshja e kthimit, takimi vjen drejtpërdrejt në RTSH 1. Veprimtaria e dytë e klubeve të kontinentit, Liga e Evropës rikthehet sonte me takimet e kthimit të turit të 16-shes. Rrjeti i Radio-Televizionit Shqiptar do të sjellë drejtpërdrejt në RTSH 1, takimin më të spikatur Milan-Mançester Junajtid, që nis në ora 21:00.
Ndërsa në kanalin RTSH Sport, duke nisur nga ora 19:00, e deri në ora 23:00, kanë nisur të transmetohet drejtpërdrejt të gjithë golat e mbrëmjes. Në fakt, takimi i para një jave, i luajtur në Stadiumin “Olld Traford” të Mançesterit është mbyllur në barazim 1-1, duke e lënë gjithçka të hapur sa i përket kualifikimit.
Ajo që e intrigon edhe më tepër ndeshjen e sotme është historia e 11 përballjeve të deritanishme mes dy skuadrave sugjeron se nuk ka asnjë favorit. Nga 5 fitore për çdo skuadër dhe vetëm 1 barazim, ai i një jave më parë në “Old Trafford”, është bilanci i këtij dueli anglo-italian.
Për më tepër, duket se në kampionat, të dyja skuadrat se i kanë mbyllur llogaritë me çështjen e titullit dhe duhet të mendojnë për të ruajtur pozitat në vendet e dyta. Prandaj Liga e Evropës mbetet shansi i vetëm për një trofe këtë sezon, si për Milanin, ashtu edhe për Mançester Junajtid.
