ASNN – Mediat italiane raportojnë se sulmuesi argjentinas i Milanit, Gonzalo Higuain, të premten do të kryejë testet mjekësore tek Çellsi i Londrës, ndërsa zbarkimi në kryeqytetin anglez do të ndodhë të enjten në mesnatë. Referuar të përditshmes italiane, “Corriere dello Sport”, Higuain pritet që t’i bashkohet Çellsit edhe zyrtarisht këtë të premte.
Për të përmbushur këtë transferim, që në thelb i takon Juventusit, i cili po e huazon në Londër sulmuesin argjentinas, Milani do të marrë sulmuesin polak të Xhenoas, Piatek, ardhja e të cilit mund të ndodhë brenda pak orësh. Kjo ka qenë skema që në fillim kur u pa që Higuain nuk po përshtatej dhe nuk po i shërbente Milanit aq sa kuqezinjtë kishin nevojë.
Ndërkohë, edhe pse po kalon tek Çelsi në Londër, sulmuesi argjentinas nuk do të jetë atje i kalim përfundimtar, por vetëm i huazuar për 6 muaj, me të drejtën e blerjes së kartonit në fund të sezonit.
