ASNN – Kategoria Superiore e Kampionatit Kombëtar të Futbollit luan sot 4 ndeshjet e para të javës së tij të 11-të dhe Rrjeti i Radio-Televizionit do të sjellë për sportdashësit takimin Skënderbeu-Korabi.
Kjo ndeshje do të luhet në Stadiumin “Skënderbeu” të Korçës, duke nisur nga ora 14:00. Korçarët ndajnë kreun e renditjes me Kukësin, me nga 20 pikë secila, ndërsa dibranët mbyllin fundin e renditjes, me vetëm 5 pikë të marra në këto 10 javë të para.
Po duke nisur nga ora 14:00, Luftëtari pret në Gjirokastër Flamurtarin, ndërsa duke nisur nga ora 17:00, luhet në Shkodër përballja Vllaznia-Partizani dhe në kryeqytet sfida Tirana-Laçi.
Takimi i fundit i kësaj jave është ai që luhet të hënën, duke nisur nga ora 18:00, midis Teutës dhe Kukësit. Verilindorët mbajnë vendin e parë të renditjes me 20 pikë, falë një golaverazhi më të mirë sesa Skënderbeu, ndërsa Partizani është i 3-ti, me vetëm një pikë më pak. Tirana është e 4-ta, me 17 pikë.
