ASNN – Edhe niveli i dytë i Kampionatit Kombëtar të Basketbollit për Meshkuj, që njihet si Kategoria e Parë, i ka luajtur sot dy ndeshjet e javës së 5-të të tij. Partizani, i cili ishte pushim për efekt kalendari, e ka ruajtur kreun e renditjes edhe pa luajtur, falë 4 fitoreve në po aq ndeshje, ku ka grumbulluar 8 pikë të plota.

Të kuqtë ndiqen nga pas nga Tirana Eagles Basket, e cila ka fituar bindshëm në Korçë ndaj Skënderbeut vendas, duke triumfuar me shifrat 67-40. Skuadra e drejtuar nga trajneri Juri Dashi, tanimë ka 7 pikë, por ndjen nga afër sfidën e Apolonisë, e cila ka gjetur dje në Elbasan fitoren e parë.

Fierakët kanë triumfuar 67-62 në një ndeshje të luftuar fort dhe tanimë në kuotën e 6 pikëve, kanë lënë pas Elbasanin me 5 pikë dhe Skënderbeun me 4. Java e 5-të e nivelit të dytë të Kampionatit Kombëtar të Basketbollit për Meshkuj, që njihet si Kategoria e Parë, ka mbyllur kështu fazën e parë të këtij sezoni.

Kampionati Kombëtar

i Basketbollit – Meshkuj

Kategoria e Parë

Java e 5-të:

(12 nëntor 2016)

Të shtunën:

Skënderbeu – Tirana Eagles Basket       40-67

Elbasani – Apolonia                                     6267

Partizani                     pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani             4          4          0          327-199         8
2. Tirana Eagles Basket 4          3          1          264-217         7
3. Apolonia 4          2          2          220-300         6
4. Elbasani 4          1          3          269-293         5
5. Skënderbeu 4          0          4          240-311         4