ASNN – Kategoria Superiore e Kampionatit Kombëtar i ka luajtur të shtunën të gjitha takimet e javës së saj të 21-të dhe 4 prej tyre u zhvilluan pasdreke. Rrjeti i Radio-Televizionit Shqiptar ka sjellë për sportdashësit drejtpërdrejt takimin midis Tiranës dhe Bylisit, që u fitua nga kryeqytetasit me rezultatin 2-0.

Ndërsa në takimin e zhvilluar në mbrëmje, Laçi ka fituar 1-0 në Vlorë ndaj Flamurtarit. Goli i shënuar në fillimin e pjesës së dytë nga Cetkoviç u ka mjaftuar kurbinasve për të marrë 3 pikët që i ngjisin në kuotën e 28 pikëve, por mbeten në vendin e 6-të të renditjes. Ndërsa vlonjatët mbeten 1 pikë mbi zonën e ftohtë të rënies nga Kategoria.

Ndërkohë, ndeshja Terbuni-Skënderbeu, e cila është luajtur në Stadiumin Kombëtar “Qemal Stafa” të kryeqytetit, pasi fusha e stadiumit të Pukës është e mbuluar nga bora, u fitua nga korçarët me rezultatin 3-1. Po duke nisur nga ora 13:00, është luajtur në Kukës takimi midis skuadrës vendase dhe Teutës, që u mbyll në barazim 2-2.

Ndërsa në Fushën Sportive “Reshit Rusi” të Shkodrës është zhvilluar takimi Vllaznia-Partizani, që u mbyll në barazim 1-1. Renditja e Kategorisë Superiore kryesohet nga Skënderbeu tashmë i shkëputur, në kuotën e 49 pikëve, 4 më tepër më tepër sesa Partizani i vendit të dytë, ndërsa Tirana mban vendin e 3-të me 38 pikë.

Kategoria Superiore

Java e 21-të

Të shtunën, 13 shkurt 2016:

Vllaznia – Partizani                         1-1

Shënues: A. Dibra 88′ / Raçiç 23′                              

Fusha Sportive “Reshit Rusi”, Shkodër

Kukësi – Teuta                                  2-2

Shënues: Emini 12′, E. Flores 74′ / Shkalla 4′, Koçi 89′(a.g.)

Stadiumi “Zeqir Ymeri”, Kukës

Tërbuni – Skënderbeu                     1-3

Shënues: I. Jovanoviç 90′ / Hamdi Salihi 10′, 63′, Renatinjo 84′

Stadiumi Kombëtar “Qemal Stafa”, Tiranë

Tirana – Bylis Ballsh                                    2-0

Shënues: Muzaka 73′(11-m.), Peci 88’

Stadiumi “Selman Stërmasi”, Tiranë

Flamurtari – Laçi                               0-1

Shënues: Cetkoviç 48’

Stadiumi “Flamurtari”, Vlorë

Renditja

Nr.       Skuadra                     N.        F.         B.        H.        Gsh-Gp          Pikë

1. Skënderbeu 21        16        1          4        45-16              49
2. Partizani 21        13        6          2        29-13              45
3. Tirana 21        10        8          3        26-11              38
4. Teuta 21        10        4          7        24-19              34
5. Kukësi 21        9        5          7        23-18              32
6. Laçi 21        7        7          7        22-25              28
7. Vllaznia 21        5        4          12        19-25              19
8. Flamurtari 21        5        5          11        21-25              17
9. Bylis Ballsh 21        4        4          13        21-40              16
10. Tërbuni Pukë             21        3        2          16        14-52              11