ASNN – Niveli më i lartë i Kampionatit Kombëtar i Volejbollit për Femra, që njihet si Grupi A1, ka mbyllur në fundjavë sezonin e rregullt me takimet e javës së 14-të, takime që nuk kanë sjellë ndryshime përsa i përket renditjes dhe 4 skuadrave që vijojnë më tej në fazën e “play-off”-it.
Kampionia në fuqi dhe kryesuesja aktuale, Barleti Volej e ka mbyllur me sukses sezonin e rregullt, duke fituar këtë fundjavë 3-2 kundër rivales kryesore, ekipit të Tiranës. Kjo ka qenë një ndeshje e cila ka dhuruar emocione, por edhe tension, duke qene se skuadra e Tiranës beri një paraqitje të mire.
Pavarësisht mungesave që kishte, ekipi i trajnerit Hasan Gurabardhi arriti të fitonte në 5 sete dhe t’i mbyllte dy fazat pa asnjë humbje. Barleti Volej e mbyll në vendin e parë, me 41 pikë, 5 më tepër sesa vajzat bardheblu të trajnerit Adrian Gorenxa. Ndërsa Partizani i vendit të 3-të ka triumfuar në 5 sete në Durrës nga Teutës së vendit të 4-t.
Të kuqet e Roland Tares e mbyllin me 30 pikë, 4 më tepër sesa durrsaket. Këto 4 skuadra do të vijojnë më tej në fazën e “play-off”-it, ndërsa në dy takimet e tjera të javës së fundit të sezonit të rregullt, Skënderbeu ka fituar 3-1 në kryeqytet ndaj Studentit, duke fiksuar vendin e 5-të, ndërsa Vllaznia e vendit të 6-të, fitoi në 5 sete në Vlorë ndaj Flamurtarit.
Kampionati Kombëtar
i Volejbollit – Femra
Grupi A1
Java e 13-të
(28 mars 2015)
Studenti – Skënderbeu 1-3
Flamurtari – Vllaznia 2-3
Tirana – Barleti Volej 2-3
Teuta – Partizani 2-3
Renditja
Nr. Skuadra N. F. H. Setet Pikë
- Barleti Volej 14 14 0 42-4 41
- Tirana 14 12 2 39-10 36
- Partizani 14 10 4 33-15 30
- Teuta 14 8 6 28-18 26
- Skënderbeu 14 6 8 19-27 18
- Vllaznia 14 4 10 14-33 11
- Flamurtari 14 2 12 8-39 6
8. Studenti 14 0 14 4-42 1
