ASNN – Kampionati Kombëtar i Futbollit të Sallës, mbyllet java e 8-të, Tirana & Partizani rikthehen te fitorja. Kështu, janë luajtur takimet e javë së 8-të të Kampionati Kombëtar të Futbollit të Sallës. Kjo javë rezervoi përballjet Flamurtari-Partizani dhe Tirana -Vllaznia.

Partizani dhe Tirana u rikthyen te fitorja pasi mposhtën përkatësisht Flamurtarin dhe Vllazninë. Të kuqtë e kryeqytetit e mbizotëruan takimin dhe fituan me rezultatin 8-4 ndaj vlonjatëve duke u ngjitur në vendin e dytë me 10 pikë.

Pas javës së 8-të, Flamurtari renditet në vendin e fundit me 7 pikë. Tirana triumfoi 6-3 ndaj Vllaznisë dhe bardheblutë janë në krye të renditjes, në kuotën e 21 pikëve, ndërsa kuqeblutë renditen të 3-tët me 8 pikë.

Në javën e 9-të të Kampionatit Kombëtar të Futbollit të Sallës, Partizani do të përballet në derbi me Tiranën, ndërsa Vllaznia me Flamurtarin.

Kampionati Kombëtar

i Futbollit të Sallës

Java e 8-të:

Flamurtari – Partizani           4-8

Tirana – Vllaznia                   6-3

Renditja

1. Tirana 21 pikë
2. Partizani 10 pikë
3. Vllaznia   8 pikë
4. Flamurtari   7 pikë

Java e 9-të:

Partizani – Tirana

Vllaznia – Flamurtari