ASNN – Dy takimet e tjera, të vlefshme për javën e 5-të të Kategorisë së Parë të Kampionati Kombëtar të Basketbollit për Femra, janë luajtur sot para dhe pasdreke dhe, duke nisur nga ora 11:00, Flamurtari ka pritur në Vlorë Kamza Basketin, të cilën e ka mundur 93-74, duke ia marrë sërish kreun e renditjes Goga Basketit.

Ndërsa duke nisur nga ora 13:00, Tirana ka qenë mysafire në Korçë, atje ku në Pallatin e Sportit “Nikolla Tamara”, është përballet me Skënderbeun vendas në takimin që ul siparin e kësaj jave, duke triumfuar me shifrat 83-66. Në Vlorë, takimi gjithsesi ka pasur mjaft ritëm dhe është zhvilluar një takim me nivel nga të dyja skuadrat.

Flamurtari ka arritur që gjithçka ta zgjidhë që në pjesën e parë, ndërsa më pas ka luajtur qetë dhe pa presion duke arritur fitoren e radhës në kampionat. Ndërkaq, Tirana vazhdon marshimin me fitore në këtë sezon të ri, teksa në katër ndeshje të luajtura deri tani ka po katër fitore.

Nuk e ka pasur problem fitore as në ndeshjen e djeshme në Korçë ndaj Skënderbeut, ndërsa skuadra e Avramit me dy malazeze në fushë është më ndryshe. Përballë një Skënderbeu krejtësisht të ri, vajzat bardheblu nuk e vunë në asnjë moment në diskutim këtë fitore.

Ndërkaq, edhe Goga Basket vazhdon të ruajë bilancin prej 100 % fitoresh, teksa ka korrur fitoren e 4-t radhazi, duke mposhtur të premten pa probleme në kryeqytet Studentin, me shifrat 83-41. Ndërsa në takimin tjetër të luajtur dje, të vlefshëm për javën e 5-të Vllaznia ka fituar lehtësisht, 80-51, në Vlorë përballë Apolonisë “vendase”.

Kampionati Kombëtar

i Basketbollit – Femra

Kategoria e Parë

Java e 5-të

(11-12 nëntor 2016)

Të premten:

Apolonia – Vllaznia                         51-80

Studenti – Goga Basket                  41-83

Të shtunën:

Flamurtari – Kamza Basket            93-74

Skënderbeu – Tirana                      66-83

Elbasani                                            pushim

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  5          5          0          370-292         10
2. Goga Basket             4          4          0          368-210           8
3. Tirana                         4          4          0          299-223           8
4. Vllaznia                     5          2          3          330-314           7
5. Elbasani                    4          2          2          303-267           6
6. Studenti                     4          2          2          231-237           6
7. Skënderbeu              4          1          3          243-271           5
8. Apolonia                    5          0          5          287-433           5
9. Kamza Basket          5          0          5          279-463           5