ASNN – Liga Unike, Partizani korr fitoren e parë në Vlorë ndaj Flamurtarit, humbet edhe Tirana. Veprimtaria mbarëkombëtare e koshit midis Shqipërisë dhe Kosovës, Liga Unike në basketboll për femra, ka zhvilluar takimet e javës së 5-të të saj. Dhe Partizani “kampion” në fuqi, korri fitoren e parë në këtë edicion.

Të kuqet e kryeqytetit fituan 55-51 në Vlorë ndaj Flamurtarit, në një ndeshje ku skuadrat bënë shumë gabime. Camaj me 22 pikë ishte shënuesja më e mirë për vlonjatet, por që prapëseprapë nuk mjaftuan. Në krahun tjetër, për Partizanin u dallua Xhejkobsoni, me 16 pikë të realizuara.

Humbet edhe Tirana, që në Sallën Sportive “Fahrie Hoti” në kryeqytet u mposht 56-71 nga Prishtina. Qosja realizoi 18 pikë për bardheblutë, ndërsa për ekipin nga Kosova u dallua Uilliamsi, me 32 pikë. Në krye të renditjes së Ligës Unike ndodhet Bashkimi me 10 pikë të plota. Në këtë javë, skuadra prizrenase mundi 66-62 Penzën e Pejës.

Liga Unike 2024

Basketboll – Femra

Java e 5-të:

Flamurtari – Partizani           51-55

Tirana – Prishtina                 56-71

Penza – Bashkimi                62-66

Renditja

1. Bashkimi 10 pikë
2. Prishtina   9 pikë
3. Flamurtari   7 pikë
4. Tirana   7 pikë
5. Penza   6 pikë

6.         Partizani          6 pikë