ASNN – Është mbyllur java e 23-të e Kategorisë së parë dhe Elbasani e zgjidh me një 11-metërsh në pjesën e dytë, për të siguruar një fitore me përmbysje ndaj Luzit 2008 dhe për të mos humbur hapin e kreut. Në takimin e fundit të kësa jave, të luajtur në mbrëmje në Stadiumin “Elbasan Arena”, skuadra vendase ka mbajtur hapin e Bylisit kryesues në Kategorinë e Parë, teksa ka fituar të dielën me shifrat 2-1 përballë Luzit 2008, në një ndeshje që rrezikoi të komplikohej shumë për skuadrën e Nevil Dedes.
Edhe pse dy skuadrat luftojnë për objektiva shumë të ndryshme në këtë sezon, Luzi 2008, i cili luan për mbijetesë, ia doli të kalonte i pari në epërsi përballë verdhebluve që pretendojnë Kategorinë Superiore, pasi gjeti golin me Trenin. Por pak minuta më vonë, ishte De Melo ai i cili i dha qetësi Dedes, duke barazuar shifrat para fundit të pjesës së parë, e cila mbyllet kështu 1-1.
Në të dytën, Elbasani fitoi dy 11-metërsh radhazi. Hoxhaj gaboi të parën përballë portierit Mati. Por Lila nuk gaboi të dytën, duke i siguruar përmbysjen ekipit të tij që mbylli ndeshjen me këto shifra për të shkurtuar në dy pikë distancën nga Bylisi kryesues. Në ndeshjet e luajtura më herët të dielën, Bylisi dhe Vora kanë bërë detyrën, Apolonia mundi Kastriotin në Fier, ndërsa Burreli shtangu Flamurtarin në Vlorë.
Kategoria e Parë
Java e 23-të:
Të dielën, 3 mars 2024:
VORA – BESA 3-0
Shënues: Prengaj 47’, Raboshta 49’, Qardaku 64’
BYLIS – TOMORI 2-1
Shënues: Ruçi 17’, Kibe 64’ / Hysolli 40’
FLAMURTARI – BURRELI 0-1
Shënues: Ferruku 49’
APOLONIA – KASTRIOTI 2-0
Shënues: Umejiego 28’, A. Bejzade 38’
KORABI – LUSHNJA 2-1
Shënues: Çema 26’, Kasalla 90’+5 / Olola 47’
AF ELBASANI – LUZI 2008 2-1
Shënues: De Melo 40’, Lila 61’(11m.) / Treni 35’
