ASNN – Në ndeshjen që ka përmbyllur javën e 21-të të grupit B të Kategorisë së Parë të Kampionatit Kombëtar të Futbollit dhe Sopoti është rikthyer te fitorja, pasi ka mundur Tomorin me rezultatin 3-0. Ka qenë një lojë e ekuilibruar në pjesën e parë, ku të dyja skuadrat janë munduar të zhbllokonin rezultatin, por më të rrezikshëm kanë qenë aksionet e beratasve.

Po kështu edhe fillimi i së dytës ka folur për Tomorin. Mirëpo, pas minutës së 60-të, zotërues të fushës janë bërë librazhdasit, që në harkun kohor prej 16 minutash kanë shkatërruar përfundimisht ëndrrën e beratasve për të marrë qoftë edhe në pikë. Në minutat e mbetura nuk ndryshon asgjë, Sopoti u kënaqet 3 pikëve. Me këtë fitore, Sopoti ngjitet në vendin e katërt, duke pretenduar për më lart.

Takimet e tjera në grupin B, apo grupin e Jugut të Kategorisë së Parë të Kampionatit Kombëtar të Futbollit, janë luajtur të shtunën dhe vazhdon dueli midis Lushnjës dhe Bylisit, dy skuadrave që ndajnë kreun me nga 38 pikë secila. Ballshiotët përmbysën Dinamon, duke fituar në shtëpi me rezultatin 2-1, ndërsa me të njëjtat shifra, Lushnja fitoi në fushën e vet ndaj Shkumbinit.

Në vendin e tretë është ngjitur Butrinti, që fitoi bindshëm në fushën e vet ndaj Pogradecit, ndërsa Dinamo ka mbetur në vendin e 4-t. Ndërsa në grupin e Veriut, të 3 skuadrat e pretendente për t’u ngjitur në Superiore, kanë korrur fitore në fushën e tyre.

Kategoria e Parë

Grupi B

Të shtunën:

Bylis – Dinamo                      2-1

Stadiumi “Adush Muça”, Ballsh

Butrinti – Pogradeci              3-0

Stadiumi “Andon Lapa”, Sarandë

Naftëtari – Luftëtari               2-0

Stadiumi “Bashkim Sulejmani”, Kuçovë

Lushnja – Shkumbini          2-1

Stadiumi “Roza Haxhiu”, Lushnjë

Të dielën:

Sopoti – Tomori                     3-0

Stadiumi “Gjorgji Kyçyku”, Pogradec

Renditja

Nr.       Skuadra                     N.        F.         B.        H.        Gsh-Gp          Pikë

1. Lushnja 21        11        5          5        24-12              38
2. Bylisi 21        12        2          7        28-23              38
3. Butrinti 21        9        7          5        24-11              34
4. Sopoti 21        8        6          7        21-23              30
5. Dinamo 21        8        7          6        23-18              28
6. Tomori 21        8        5          8        18-20              26
7. Pogradeci 21        7        4          10        17-24              25
8. Shkumbini 21        6        4          11        22-27              22
9. Luftëtari 21        6        3          12        12-22              21
10. Naftëtari Kuçovë 21        4        9          8        17-26              21