ASNN – Niveli më i lartë i Kampionatit Kombëtar të Basketbollit për Meshkuj, që njihet si Superliga, ka luajtur dje dy ndeshjet e tjera të javës së 16-të dhe Tirana kryesuese nuk ka gabuar në Vlorë, duke fituar me 16 pikë epërsi, 75-69, ndaj Flamurtarit vendas dhe duke mbajtur vendin e parë, në kuotën e 31 pikëve.

Bardheblutë kanë dy pikë më tepër se ndjekësja më e afërt dhe kampionia në fuqi, Vllaznia, e cila nuk e pati aq të thjeshtë, por sidoqoftë bëri detyrën dje në fushën e vet ndaj Apolonisë së fundit të renditjes, duke fituar me shifrat 77-68.

Ndërkaq, të premten pasdite, Kamza Basket ka fituar pa shumë sforco ndaj Partizanit në sallën kryesore të Pallatit të Sportit “Asllan Rusi” në Tiranë, duke triumfuar në shifrat 65-77. Skuadra e trajnerit Adem Muhametaj ka kapërcyer mbi të kuqtë kryeqytetas në renditje, me 25 pikë, por të dyja skuadrat janë në zonën e “play-off”-it final për titull.

Kampionati Kombëtar

i Basketbollit – Meshkuj

Superliga

Java e 16-të

(6-7 mars 2015)

Të premten:

Partizani – Kamza Basket  65-77

Të shtunën:

Flamurtari – Tirana              59-75

Vllaznia – Apolonia             77-68

Renditja

Nr.       Skuadra                     N.        F.         H.        Psh-Pp           Pikë

1. Tirana             16        15        1        1379-1040     31
2. Vllaznia             16        13        3        1317-1081     29
3. Kamza Basket 16        9        7        1208-1003     25
4. Partizani             16        8        8        1059-1134     24
5. Flamurtari             16        3        13        1095-1243     19
6. Apolonia             16        0        16        981-1442       16