ASNN – Besëlidhja nuk toleron askënd në Superligë, Partizani shtang Kamzën, Tirana shënon 151 pikë. Janë luajtur takimet e javës së 16-të të Superligës së Kampionatit Kombëtar të basketbollit  për meshkuj, që kanë konfirmuar Besëlidhjen në krye të renditjes. Skuadra lezhjane fitoi 109-51 ndaj Fieri Basketit, në një ndeshje që ishte një formalitet për të.

Ishin 6 lojtarë të Besëlidhjes realizuan mbi 10 pikë. Zhgënjen Kamza Basket, që në fushën e saj u mund 84-82 nga Partizani, në një ndeshje me rivalitet dhe emocione deri në fund. Nikolli me 19 pikë ishte shënuesi më i mirë për të “kuqtë”, duke i bërë të pavlefshme 20 pikët e Namdar për kamzalinjtë. Sukses që mban në lojë Partizanin për një vend në Superligën sezonin tjetër.

Fitore të thellë korri Tirana, që mundi 151-42 Skënderbeun në Sallë Sportive “Fahrie Hoti” në kryeqytet, sfidë ku Dejvisi realizoi 31 pikë për bardheblutë. Të njëjtën gjë bën edhe Teuta, që në Durrës mposhti 103-58 Elbasanin, në një ndeshje pa histori. Bejkon me 28 pikë ishte shënuesi më i mirë për durrsakët.

Kampionati Kombëtar

Basketboll – Meshkuj

Superliga

Java e 16-të

Të shtunën, 9 mars 2024:

Kamza Basket – Partizani     82-84

Besëlidhja – Fieri Basket     109-51

Tirana – Skënderbeu           151-42

Teuta – Elbasani                   103-58

Të dielën, 10 mars 2024:

Apolonia – Flamurtari

Vllaznia                                 (pushim)

Renditja

1. Besëlidhja                 28 pikë
2. Tirana                         26 pikë
3. Teuta                          25 pikë
4. Vllaznia                     24 pikë
5. Kamza Basket          24 pikë
6. Apolonia                    21 pikë
7. Elbasani                    20 pikë
8. Partizani                    20 pikë
9. Flamurtari                  18 pikë
10. Fieri Basket 16 pikë

11.       Skënderbeu              15 pikë