ASNN – FSHF Sunday League, mbyllet java e 16-të, ATS & Dajti kryesojnë në grupet përkatëse. Kampionati i Futbollit Amator 9×9 “FSHF Sunday League” në kryeqytet, i organizuar nga Federata Shqiptare e Futbollit (FSHF) ka hyrë tashmë në një fazë mjaft interesante, teksa janë luajtur ndeshjet e javës së 16-të.

Në grupin A, skuadra e ATS është e vetme në krye të renditjes me 38 pikë të grumbulluara, pas fitores ndaj skuadrës Legjenda 9×9 me rezultatin 3-0. Për vendin e dytë në grupin A po zhvillohet një garë e fortë mes tre skuadrave, Raiffeisen Bank, Dymbëdhjeta dhe IMMI që ndodhen me pikë të barabarta në renditje, 32.

Skuadra e Raiffeisen Bank triumfoi 6-5 ndaj Primo MFC, ndërsa IMMI fitoi 2-1 ndaj Elso.  Në javën e 16-të skuadra Dymbëdhjeta u mund nga Barrikada me rezultatin 2-1, megjithatë Dymbëdhjeta dhe IMMI kanë një ndeshje të prapambetur dhe do të përballen së bashku të hënën.

Në ndeshjet e tjera të grupit A fituan edhe Vila-L dhe Panthers Shkodër, ndërsa sfida MD-FC Luminesen përfundoi në barazim 0-0. Skuadra e Illyrian Eagles e mori fitoren në tavolinë 3-0 ndaj Hidro Alfa. Në grupin B, Dajti arriti fitore e radhës pasi mundi Albamer me rezultatin 2-1. Dajti kryeson renditjen me 39 pikë.

Kastriotët u rikthyen te fitorja pasi mundën skuadrën e Ja Ar Plast 1-0 dhe renditen të dytët me 35 pikë. Në ndeshjet e tjera të grupit B skuadrat e Big-Bite, Al Ar, Jata Market dhe Coca Cola Tepelena fituan në sfidat e tyre. U regjistrua edhe një barazim në takimin Futura Dent-FC Confucius që përfundoi 3-3, ndërsa skuadra e North Gate e mori fitoren në tavolinë 3-0 ndaj Roamel.

Më poshtë edhe rezultatet e javës së 16-të të kampionatit të futbollit amator 9×9:

GRUPI A

Vila-L – Ferraj FC                                          5-3

MD – FC Luminesen                                                0-0

Hidro Alfa – FC Illyrian Eagles                   0-3

Primo MFC – Raiffeisen Bank                   5-6

Panthers Shkodër – FB Passion               3-1

IMMI – Elso                                                    2-1

Barrikada – Dymbëdhjeta                            2-1

ATS – Legjendat 9×9                                    3-0

GRUPI B

Roamel – North Gate                                   0-3

Friends Team – Big-Bite                              1-3

Al Ar – FC Musa                                            3-2

Antigonean – Jata Market                           3-4

Kastriotët – Ja Ar Plast                                 1-0

Futura Dent – FC Confucius                      3-3

Coca Cola Tepelena – Gaia Triumph       0-3

Albamer – FC Dajti                                       1-2