ASNN – Janë luajtur të shtunën 3 ndeshjet e tjera të javës së 15-tëtë Kategorisë së Parë të Kampionatit Kombëtar të Basketbollit për femra dhe, në takimin më të spikatur, Goga Basket e ka shpërfytyruar Tiranën në Sallën Sportive “Fahrie Hoti” në kryeqytet, ndërsa ka fituar me 15 pikë diferencë, aq sa për të marrë kreun në renditjen e kampionatit.

Kjo edhe duke përfituar nga pushimi i Flamurtarit në javën e 15-të. Një lojë bindëse e skuadrës së trajnerit Henri Moja, që falë Lalajt, Qypit, Alagiç, MekRoit, Mehmetit dhe Omerbashiçit pushton “Fahrie Hotin”, duke triumfuar me shifrat 86-71. Ndërkaq, për herë të parë këtë sezon, Skënderbeu shënon dy fitore radhazi. Një javë më parë korçaret do të mposhtnin midis polemikash Apoloninë në fushën e vet.

Kurse dje, po në Korçë, do të mundnin Vllazninë. Skënderbeu fiton me 10 pikë diferencë 75-65, dhe merr dy pikë me shumë vlera duke iu shkëputur edhe më shumë dy vendeve të fundit të tabelës së renditjes. Ndërkohë, Apolonia dhe Kamza Basket ka qenë një duel mes skuadrave të vendit të fundit në basketbollin e femrave, që në fakt është zgjidhur në favor të skuadrës fierake.

Ishte një ndeshje e dominuar nga Apolonia, e cila e ka zgjidhur ndeshjen shumë shpejt, madje që në 10 minutat e para. Kurse Studenti, që vazhdon të luftojë fort për një vend në 4 skuadrat e para, të cilat më pas do të luftojnë për titullin “kampion”, të premten ka “zbuluar” Aida Vatën. Kjo lojtare ka shënuar 30 pikë nga 82 pikë që ka realizuar në total Studenti i trajneres Fiorentina Mitku, në fitoren ndaj Elbasanit.

Kampionati Kombëtar

i Basketbollit – Femra

Java e 15-të

(10-11 mars 2017)

Të premten:

Studenti – Elbasani                         82-53

Të shtunën:

Skënderbeu – Vllaznia                   75-65

Apolonia – Kamza Basket              85-62

Tirana – Goga Basket                     71-86

Flamurtari                                          pushim

Renditja

Nr.       Skuadra                     N.        F.         H.        Psh-Pp           Pikë

1. Goga Basket             13        12          1        1190-721       25
2. Tirana                         13        12          1          941-821       25
3. Flamurtari                  13        11          2        1115-852       24
4. Vllaznia                     14          7          7          949-914       21
5. Studenti                     13          7          6          874-838       20
6. Elbasani                    13          4          9          912-961       17
7. Skënderbeu              13          5          8          831-942       18
8. Apolonia                    14          2        12          873-1173     16
9. Kamza Basket          14          0        14          724-1281     14