ASNN – FSHF Sunday League, ATS regjistron fitoren e radhës në grupin A, Kastriotët marrin vendin e parë në grupin B. Ka përfunduar java e 13-të e Kampionatit të futbollit amator 9×9, të njohur ndryshe si “FSHF Sunday League”. Në grupin A, kryesuesit e ATS regjistruan fitoren e radhës, pasi mundën skuadrën e IMMI me rezultatin minimal 1-0.
Ndërsa ndjekësit më të afërt në grupin A, skuadra e Dymbëdhjeta u ndal në një barazim pa gola 0-0 nga skuadra e PRIMO MFC. ATS kryeson renditjen me 32 pikë, ndërsa Dymbëdhjeta ndodhet në vendin e dytë me 29 pikë. Në ndeshjet e tjera të grupit A, skuadrat e Panthers Shkodër, MD, Raiffeisen Bank, Vatër dhe Ferraj FC fituan në sfidat e tyre. Ndërsa skuadra e Elso e mori fitoren në tavolinë 3-0 ndaj Hidro Alfa.
Në grupin B, Kastriotët fituan kryesfidën e javës ndaj Dajtit me rezultatin 2-0 dhe morën vendin e parë në renditje. Tani Kastriotët kryesojnë me 31 pikë, ndërsa Dajti ndodhet në vendin e dytë me 30 pikë. Në ndeshjet e tjera të grupit B, skuadrat e Albamer, Antigonean, Al Ar, Ja Ar Plast, FC Parku dhe Big-Bite fituan në sfidat e tyre. Ndërsa skuadra e Jata Market e mori fitoren në tavolinë 3-0 ndaj Roamel.
Më poshtë edhe rezultatet e javës së 13-të të kampionatit të futbollit amator 9×9:
Grupi A
ATS – IMMI 1-0
Legjendat 9×9 – Panthers Shkodër 0-3
Dymbëdhjeta – PRIMO MFC 0-0
Elso – Hidro Alfa 3-0
FB Passion – MD 0-3
Raiffeisen Bank – VILA-L 3-2
FC Illyrian Eagles – Vatër 0-4
FC Luminesen – Ferraj FC 1-2
Grupi B
Albamer – Futura Dent 5-1
FC Dajti – Kastriotët 0-2
Gaia Triumph – Antigonean 0-2
FC Confucius – Al Ar 1-3
Ja Ar Plast – Friends Team 4-0
Jata Market – Roamel 3-0
FC Musa – FC Parku 0-2
Big-Bite – North Gate 4-1
