ASNN – Janë luajtur dje 3 ndeshjet e tjera të Kategorisë së Parë të Kampionatit Kombëtar të Basketbollit për Femra dhe 3 skuadra e kreut të renditjes nuk kanë gabuar. Tirana ka korrur fitoren e 9-të radhazi, duke mposhtur Vllazninë, në një sfidë që ekipi bardheblu e  ka dominuar nga fillimi deri në fund. Skuadra e trajnerit Roland Avrami i ka fituar të 4 pjesët e lojës, përkatësisht 21-10, 19-15, 20-16 dhe 13-12 dhe, në përfundim, një fitore me një diferencë prej 20 pikësh për Tiranën ndaj Vllaznia, 73-53

Ndërkohë, Goga Basket e vendit të dytë e ka pasur si një shëtitje ndeshjen në Vlorë me Apoloninë.  Një takim i fituar thellësisht nga skuadra durrsake, që i përgjigjet kështu Flamurtarit rival. Goga Basket e ka dominuar ndeshjen, madje e ka thelluar rezultatin minutë pas minute për ta mbyllur më pas të gjithë takimin me një diferencë prej 70 pikësh. Kurse Flamurtari i vendit të 3-të e fiton lehtësisht ndeshjen  ndaj Elbasanit, me shifrat 86-68.

Një takim i luajtur në Pallatin e Sportit “Flamurtari” në Vlorë, që është dominuar nga skuadra vlonjate, e cila, për asnjë moment nuk e ka vënë në diskutim fitoren. Takimi është zgjidhur që në gjysmën e parë, aty ku skuadra vlonjate ka krijuar epërsinë e duhur për të siguruar fitoren. Madje, në gjysmën e dytë, duke pare edhe gjendjen e dobët të Elbasanit, trajneri i Flamurtarit, Viron Toska, ka luajtur kryesisht me vajzat e reja te stolit.

Flamurtari e nis kështu në mënyrën më të mirë të mundshme fazën e dytë të basketbollit për femra, ndërkohë që rivalizon për titullin “kampion” përballë Goga Basketit dhe  Tiranes, skuadra që ndodhen në dy vendet e para te renditjes. Ndërkohë, për efekt kalendari, Skënderbeu ka qenë pushim këtë javë. Ndeshja e parë e javës së 10-të është luajtur të premten dhe Studenti ka fituar 70-50, edhe pse ka pranuar të ndërrojë fushën dhe të luajë në Sallën Sportive të Bathores ndaj Kamza Basket.

Kampionati Kombëtar

i Basketbollit – Femra

Java e 10-të

(3-4 shkurt 2017)

Të premten:

Studenti – Kamza Basket               70-50

Të shtunën:

Tirana – Vllaznia                              73-53

Flamurtari – Elbasani                      86-68

Apolonia – Goga Basket                 37-107

Skënderbeu                                      pushim

Renditja

Nr.       Skuadra                     N.        F.         H.        Psh-Pp           Pikë

1. Tirana                         9          9          0          674-525         18
2. Goga Basket             9          8          1          775-494         17
3. Flamurtari                  9          7          2          694-589         16
4. Vllaznia                     9          5          4          598-544         14
5. Studenti                     9          5          4          584-557         14
6. Skënderbeu              8          3          5          522-548         11
7. Elbasani                    9          2          7          628-693         11
8. Apolonia                    9          1          8          522-746         10
9. Kamza Basket          9          0          9          464-765           9