ASNN – Vllaznia mund Partizanin, fitojnë edhe Tirana, Apolonia, Kinostudio e Laçi. Është mbyllur të dielën java e 10-të e Kampionatit Kombëtar në Futboll për Femra, teksa takimi Vllaznia-Partizani ishte i fundit për këtë javë.

Kjo sfidë u fitua nga kampionet në fuqi me rezultatin 3-0 ndaj të kuqeve të kryeqytetit. Të shtunën u luajtën 4 ndeshjet e para të kësaj jave ndhe nuk pati të papritura në ndeshjen Lushnja-Tirana.

Vajzat bardheblu triumfuan me shifrat e thella 13-0, duke dominuar të gjithë takimin. Edhe Apolonia nuk e vendosi në dyshim fitoren me Gramshin. Fieraket zhvilluan një ndeshje shumë të mirë dhe triumfuan 7-0.

Një fitore tepër të rëndësishme mori edhe Kinostudio, që fitoi në Durrës ndaj Teutës me rezultatin 8-1. Po të shtunën, në takimin që nisi në orën 14:00, Laçi mundi në shtëpi Skënderbeun me shifrat 7-0.

Kampionati Kombëtar

Futboll – Femra

Java e 10-të:

Lushnja – Tirana       0-13

Apolonia – Gramshi 7-0

Teuta – Kinostudio   1-8

Laçi – Skënderbeu   7-0

Vllaznia – Partizani  3-0