ASNN – Kampionati Kombëtar i Basketbollit për Meshkuj ka ulur në fundjavë edhe siparin e gjysmës së parë të sezonit në nivelin e dytë, që njihet si Kategoria e Parë,duke konfirmuar dyshen e ekipeve private “Tirana Eagles Basket” (TEB) dhe Invejdërs në krye të renditjes, me nga 19 pikë secila.

Edhe ndeshjet e javës së 20-të nuk dhuruan rezultate të papritura, pasi të dyja skuadrat e kreut fituan në përballjet e tyre, duke ruajtur pozicionet në renditje. “Tirana Eagles Basket” fitoi 76-70 në Vlorë ndaj Flamurtarit të vendit të 3-të, në një ndeshje me rivalitet dhe luftë deri në fund.

Sidoqoftë, ishin miqtë nga kryeqyteti ata u treguan më të saktë në fund, duke e merituar fitoren. Më i lehtë ishte suksesi i Invejders, që në Pallatin e Sportit “Asllan Rusi” në kryeqytet mundi 108-78 Elbasanin e vendit të parafundit, ndërsa në Korçë, Skënderbeu i vendit të 4-t, mposhti 75-71 Apoloninë e fundit të renditjes.

Siç dihet, skuadra që renditet e para në Kategorinë e Parë të Kampionatit Kombëtar të Basketboll për Femra, në përfundim të sezonit, ngjitet direkt në nivelin më të lartë, në Superligë sezonin tjetër. Ndërsa ekipi i dytë do të luajë në “play-out” me të 5-ën e Superligës

Kampionati Kombëtar

i Basketbollit – Meshkuj

Kategoria e Parë

Java e 10-të

Invejdërs – Elbasani                         108-78

Flamurtari – Tirana Eagles Basket              70-76

Skënderbeu – Apolonia                    75-71

Renditja

Nr.       Skuadra         N.        F.         H.        Psh-Pp           +/-        Pikë

1. TEB                10        9          1          918-757         161     19
2. Invejdërs        10        9          1          824-738           86      19
3. Flamurtari      10        4          6          673-735         -62     14
4. Skënderbeu  10        4          6          717-747         -30     14
5. Elbasani        10        3          7          707-824         -117    13
6. Apolonia        10        1          9          720-758           -38    11