ASNN – Niveli më i lartë i Kampionatit Kombëtar të Basketbollit për Meshkuj, që njihet si Superliga, ka ulur siparin e gjysmës së parë, me ndeshjet e javës së 10-të, që ishte e java e fundit e fazës së dytë.

Dhe bardheblutë vendosin rekordin e kampionatit, duke mundur me 89 pikë diferencë Flamurtarin, 136-47. Kështu, Tirana e basketbollit e ka mbyllur vitin 2016 si kryesuese e dyfishtë. Për meshkuj, në 10 ndeshje, 9 fitore dhe një humbje.

Në takimin tjetër të luajtur dje, Teuta ka mundur Vllazninë me rezultatin 81-73, duke ruajtur vendin e dytë të renditjes, me 18 pikë, një më pak se Tirana, por dy më tepër sesa shkodranët.

Takimi i fundit i javës së 10-të të Superligës luhet sot, duke nisur nga ora 18:00, dhe Ardhmëria Basket përballet me Kamza Basket në Pallatin e Sportit “Asllan Rusi” në kryeqytet.

Kampionati Kombëtar

i Basketbollit – Meshkuj

Superliga

Java e 10-të

(21-22 dhjetor 2016)

Të mërkurën:

Tirana – Flamurtari                                      136-47

Teuta – Vllaznia                                             81-73

Të enjten:

Ardhmëria Basket – Kamza Basket          ora 18:00

Renditja

Nr.       Skuadra                     N.        F.         H.        Psh-Pp           Pikë

1. Tirana                         10        9            1        939-667         19
2. Teuta                          10        8            2        790-644         18
3. Vllaznia                     10        6            4        752-700         16
4. Kamza Basket            9        4            5        705-721         13
5. Ardhmëria Basket      9        2            7        586-603         11
6. Flamurtari                  10        0          10        519-957         10