ASNN – Me 3 takimet e fundit të javës së 18-të, të zhvilluara të gjitha duke nisur nga ora 17:00, është mbyllur edhe faza e dytë e Kategorisë Superiore të Kampionatit Kombëtar të Futbollit dhe Kukësi është ekipi që ka fituar titullin simbolik të “kampiones së dimrit.” Verilindorët kanë triumfuar sot në Vlorë përballë Flamurtarit, me gol të Pero Pejiçit, të shënuar pas çerekore lojes.

Skuadra e Artim Shaqirit e mbyll vitin e vetme në krye të renditjes dhe ndiqet nga Skënderbeu, që fiton “in-extremis” në Shkodër përballë Vllaznisë më gol të Shkëmbit në minutën e fundit të lojës. Një 11-metërsh e fituar nga Martins, është goditur saktë nga kapiteni korçar, i cili i jep fitoren e radhës Skënderbeut dhe, bashkë me të, edhe vendin e dytë në kampionat.

Me fitore e mbyll vitin edhe Tirana e cila mposht në ‘Qemal Stafa” 4-2 Teutën. Në një ndeshje spektakolare dhe me gola, të sjellë për sportdashësit drejtpërdrejt nga Rrjeti i Radio-Televizionit Shqiptar, ata që triumfojnë janë bardheblutë kryeqytetas, të drejtuar nga trajnerit Gugash Magani. Kava e 18-të e Kategorisë Superiore të Kampionatit Kombëtar të Futbollit e ka ngritur siparin me takimin midis Apolonisë dhe Laçit.

Kjo ndeshje, që u luajt të shtunën pasdreke në Fier, u fitua nga miqtë me dy gola të shënuar nga afrikani Xhejms në pjesën e dytë. Kjo javë ka vijuar të shtunën pasdite me takimin midis Elbasanit dhe Partizanit, që u fitua nga të kuqtë kryeqytetas me një gol të vetëm, të realizuar në sekondat e para të ndeshjes nga Raçiç. Skuadra e trajnerit Artim Shaqiri, Kukësi, e mbyll vitin në krye të renditjes, me 38 pikë, dy më shumë se Partizani e Skënderbeu.

Vllaznia ndal kështu hovin e 5 fitoreve radhazi dhe tashmë shkodranët e mbyllin vitin në kuotën e 23 pikëve, 4 më pak se Laçi i vendit të 5-të. Ndërkohë një Flamurtar zhgënjyes i këtij viti i cili e mbyll në vendin e 7-të me 22 pikë. Teuta rikthehet sërish te humbja dhe e mbyll, sezonin me 16 pikë në vensin e 8-të. Në fundin e renditjes, Elbasani dhe Apolonia duken të destinuara për kthimin në

Kategoria Superiore

Java e 18-të

Të shtunën, 20 dhjetor 2014:

Apolonia – Laçi                                 0-2

Shënues: Xhejms 55’, 67’

Stadiumi “Loni Papuçiu”, Fier

Elbasani – Partizani                         0-1

Shënues: Raçiç 1’

Stadiumin “Elbasan Arena”, Elbasan

Të dielën, 21 dhjetor 2014:

Tirana – Teuta                                   4-2

Shënues: Bakaj 34′, Morina 45’+1(11-m.),

Kagere 70′, Bakaj 89′ / Hyseni 36′, Dita 49′

Stadiumi Kombëtar “Qemal Stafa”, Tiranë

Vllaznia – Skënderbeu                    0-1

Shënues: Shkëmbi 90’(11-m.)

Stadiumi “Loro Boriçi”, Shkodër

Flamurtari – Kukësi                          0-1

Shënues: Pejiç 16’

Stadiumi “Flamurtari”, Vlorë

Nr.       Skuadra         N.        F.         B.        H.        Gsh-Gp          Pikë

1. Kukësi 18        12        2          4        21-10              38
2. Skënderbeu 18        11        3          4        26-9                36
3. Partizani 18        11        3          4        16-7                36
4. Tirana 18        10        5          3        24-12              35
5. Laçi 18        7        6          5        19-12              27
6. Vllaznia 18        8        2          8        16-17              23
7. Flamurtari 18        5        7          6        14-12              22
8. Teuta 18        5        1          12        16-26              16
9. Elbasani 18        3        0          15        10-31              9
10. Apolonia 18        2        3          13        4-30              9