ASNN – Në ndeshjet e javës së 25-të të Kategorisë Superiore të zhvilluara sot, skuadrat vendase kanë siguruar fitoren. Kështu Partizani ka fituar 2-1 me Flamurtarin, Kukësi ka mundur 5-2 teutën, ndërsa Laçi ka fituar 1-0 me Vllazninë. Ndërsa në takimin e mbrëmjes, Skënderbeu ka mundur minimalisht Tiranën në Korçë, duke ruajtur hapin me Kukësin kryesues.

Partizani ka fituar me Flamurtarin në ndeshjen e javës së 25-të të Kategorisë Superiore. Një ndeshje kjo që u transmetua drejtpërdrejt nga Rrjeti i Radio-Televizionit shqiptar. 3 pikë të vlefshme këto për skuadrën kryeqytetase, që ngjitet tashmë në kuotën e 47 pikë, po aq sa Tirana. Në ndeshjet e tjera të luajtura në mesditë, Kukësi ka mundur Teutën me rezultatin 5-2, ndërsa Laçi ka fituar 1-0 me Vllazninë.

Ndërsa në takimin e mbrëmjes, Skënderbeu ka mundur minimalisht Tiranën në Korçë, duke ruajtur hapin me Kukësin kryesues. Pjesa e parë e kësaj ndeshjeje është mbyllur me rrjeta të paprekura, kurse në të dytën, gjithçka është vendosur nga një 11-metërsh i fituar nga Progni dhe i shndërruar në gol nga kapiteni Shkëmbi për vendasit pas mëse një ore lojë.

Java e 25-të e Kategorisë Superiore mbyllet të enjten, me takimin e pasdrekës midis Elbasanit dhe Apolonisë. Renditjen e Kategorisë Superiore e kryeson Kukësi, me 52 pikë, një më tepër sesa ndjekësja më e afërt, Skënderbeu, ndërsa Tirana dhe Partizani kanë nga 47 pikë, por kanë luajtur nga një ndeshje më pak.

Kategoria Superiore

Java e 25-të

Të mërkurën, 4 mars 2015:

PARTIZANI – FLAMURTARI                                  2-1

Shënues: Rrahmani 57’, Raçiç 78’ / Telushi 21’

Stadiumi “Niko Dovana”, Durrës

KUKËSI – TEUTA                                                     5-2

Shënues: Malota 33’, Pejiç 51’, 84’,

Pit 54’, 68’ / Kastrati 47’ Nika 58’

Stadiumi “Ymer Zeqiri”, Kukës

LAÇI – VLLAZNIA                                                     1-0

Shënues: Veliaj 25’

Stadiumi i Laçit

SKËNDERBEU – TIRANA                                      1-0

Shënues: Shkëmbi 65’(11-m.)

Stadiumi “Skënderbeu”, Korçë

Të enjten, 5 mars 2015:

Elbasani – Apolonia                                                 (14:00)

Stadiumi “Gjorgji Kyçyku”, Pogradec

Renditja

Nr.       Skuadra                     N.        F.         B.        H.        Gsh-Gp          Pikë

1. Kukësi 25        16        4          5        38-18              52
2. Skënderbeu 25        16        6          4        34-11              51
3. Tirana 24        14        5          5        30-16              47
4. Partizani 24        14        5          5        23-13              47
5. Laçi 24        11        8          5        29-15              41
6. Flamurtari 24        9        7          8        22-16              34
7. Vllaznia 25        9        3          13        22-28              27
8. Teuta 25        6        1          18        23-41              19
9. Elbasani 24        4        1          19        13-42              13
10. Apolonia 24        2        4          18        6-40              10