ASNN – Me takimin midis Tërbunit dhe Partizanit, që ka nisur të luhet në ora 13:00 në Stadiumin “Ismail Xhemali” të Pukës dhe që është fituar nga kryeqytetasit me rezultatin 2-1, ka ngritur siparin java e 5-të e Kategorisë Superiore e Kampionatit Kombëtar të Futbollit.

Sukaj e kaloi në epërsi Partizanin në pjesën e parë, kur përfitoi nga një gabim i mbrojtjes vendase, ndërsa në të dytën protagonist është Ditmir Bicaj, i cili shkakton fillimisht një autogol në portën e tij, duke vijuar të shënojë edhe në krahun tjetër golin e fitores së të kuqve.

Kjo javë ka vijuar me takimin e orës 16:00, atë midis Bylisit dhe Skënderbeut, që u luajt në Stadiumin “Adush Muça”. Skënderbeu ka thyer tabunë 17-vjeçare, duke triumfuar madje thellë, 4-1 në Ballsh ndaj vendasve dhe duke ruajtur bilancin e 100 % fitoreve në këto 5 javë të para.

Takimi i tretë i së shtunës është ai i mbrëmjes, midis Tiranës dhe Teutës, që do të luhet në Stadiumin Kombëtar “Qemal Stafa” në kryeqytet. Ky takim do të sillet për sportdashësit drejtpërdrejt dhe ekskluzivisht nga Rrjeti i Radio-Televizionit Shqiptar, duke nisur nga ora 19:00.

Kjo ndeshje vë përballë Tiranën e vendi të 6-të, që ka marrë vetëm 5 pikë në 4 javët e para dhe Teutën e vendit të 3-të, që ka grumbulluar 9 nga 12 pikët e mundshme deri më tani. Java e 5-të vijon të dielën me dy takimet e fundit dhe, duke nisur nga ora 13:00, Vllaznia pret në Pukë Laçin.

Ndërsa duke nisur nga ora 16:00, Flamurtari është mysafir në Kukës, ku do të ndeshet me skuadrën vendase. Renditjen e Kategorisë Superiore e kryeson sërish Skënderbeu, me pikë të plota, 15, pas 4 fitoreve radhazi në këto javë të para, i ndjekur nga Partizani, me 13 pikë, Teuta me 9 dhe Kukësi e Laçi, me nga 6 pikë secila.

Kategoria Superiore

Java e 5-të

Të shtunën, 26 shtator 2015:

Tërbuni – Partizani               1-2

Shënues: Bicaj 57’(a.g) / Sukaj 26’, Bicaj 75’

Stadiumi “Ismail Xhemali”, Pukë

Bylis – Skënderbeu              1-4

Shënues: Romaul Seara 85’ / Olajinka 3’, S. Lilaj 55’, Salihi 65’, Latifi 87’

Stadiumi “Adush Muça”, Ballsh

Tirana – Teuta                       (19:00)

Stadiumi Kombëtar “Qemal Stafa”, Tiranë

Të dielën, 27 shtator 2015:

Vllaznia – Laçi                       (13:00)

Stadiumi “Ismail Xhemali”, Pukë

Kukësi – Flamurtari              (16:00)

Stadiumi “Zeqir Ymeri”, Kukës

Renditja

Nr.       Skuadra                     N.        F.         B.        H         Gsh-Gp          Pikë

1. Skënderbeu 5          5          0          0          10-2                15
2. Partizani 5          4          1          0          9-4                13
3. Teuta 4          3          0          1          6-4                9
4. Kukësi 4          2          0          2          5-3                6
5. Laçi 4          1          3          0          5-3                6
6. Tirana 4          1          2          0          4-4                5
7. Flamurtari 4          1          1          2          3-3                4
8. Tërbuni Pukë 5          1          0          4          5-9                3
9. Bylis Ballsh 5          0          1          4          2-11              1
10. Vllaznia 4          0          0          4          1-7                0