ASNN – Java e 26-të e Kategorisë Superiore ka nisur me ndeshjet Kukësi-Tërbuni, Laçi-Teuta dhe Vllaznia-Tirana, të cilat janë luajtur në orën 13.00. Kukësi ka marrë tri pikë të çmuara ndaj Tërbunit pas fitores 1-0 duke ruajtur pozitat në vendin e tretë në renditje me 44 pikë.
Edhe Teuta ruan vendin e katërt, po me 44 pikë sa Kukësi, pasi ka mundur Laçin në fushë të huaj 1-2. Vllaznia e trajnerit Cungu ka fituar bindshëm 3-1 ndaj Tiranës duke u ngjitur në kuotën e 27 pikëve. Shkodranët vazhdojnë rezultatet pozitive duke iu larguar më shumë zonës së ftohtë të rënies nga Kategoria.
Në orën 16:00, ka nisur të luhet ndeshja Flamurtari-Bylis, që mbyll takimet e ditës së diel të javës së 26-të të Kategorisë Superiore, e cila mbyllet të hënën në mbrëmje me duelin e kreut të renditjes midis Partizanit dhe Skënderbeut, që do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 19:00.
