ASNN – FSHF Cup 2023-2024, ATS- Kastriotët finalja e madhe e sezonit. Kështu, ATS-Kastriotët është finalja e madhe e “FSHF Cup”, një veprimtari e cili organizohet nga Departamenti i Futbollit Amator në Federatën Shqiptare të Futbollit mes skuadrave të futbollit 9×9.
Këto dy ekipe do të jenë pjesë e finales së këtij edicioni, pasi kaluan të gjitha fazat e mëparshme, duke siguruar biletat edhe për ndeshjen e fundit. Sfidat gjysmëfinale u zhvilluan mbrëmjen e së premtes në fushat e “Shtëpisë së Futbollit”, ATS-Dajti dhe Kastriotët-Dymbëdhjeta.
Në një atmosferë të zjarrtë të mbushur plot me tifozë në “Shtëpinë e Futbollit”, dy sfidat gjysmëfinale dhuruan emocione, ATS triumfoi 2-1 ndaj Dajtit ndërsa Kastriotët fituan minimalisht 1-0 ndaj skuadrës Dymbëdhjeta. Përballja finale në FSHF Cup, ATS-Kastriotët pritet të dhurojë spektakël.
Kjo, pasi të dyja skuadrat kanë bërë mirë edhe në kampionat. ATS kryeson në grupin A ndërsa Kastiotët ndodhen në vendin e dytë në grupin B.
