ASNN – Roberto Martínez, trajneri i Belgjikës, i ka dhënë një goditje të tërthortë Realit të Madridit. Trajneri spanjoll ka folur në mediat spanjolle për situatën e një prej futbollistëve të tij, Eden Hazardit. Sipas tij, sulmuesi duhet të aktivizohet më shumë te Reali, ndërsa ka mbetur i kënaqur për pjesën e parë të ndeshjes që ai luajti me Belgjikën kundër Francës.

“Hazard do të luftojë për Topin e Artë në të ardhmen, – thotë trajneri spanjoll i belgëve. – E them këtë duke u bazuar në paraqitjen e tij që bëri kundër Francës, kjo më jep më shumë besim për këtë. Është e vërtetë që gjendja fizike e Edenit nuk është optimale. Edhe situata e tij në Spanjë nuk është shumë e mirë. Kjo na shqetëson të gjithëve.”

“Ai është një lojtar që duhet të luajë ndeshje për të arritur nivelin maksimal fizik, – ka vjuar 48-vjeçari. – Kam parë se ai është i përsosur nga ana shëndetësore. Nëse do të luajë si në nivelin e 45 minutave kundër Francës, ai me siguri do të na japë shumë rezultate” – ka shpjeguar ai. Përveç kësaj, ai ka folur për thashethemet që disa javë më parë e vendosën atë si trajnerin e ri të Barcelonës.

“Ka qenë një periudhë e vështirë sepse ju mendoni se unë nuk dua të përgjigjem, por e vërteta është se ata nuk më kanë kontaktuar, – ka theksuar trajneri i përfaqësueses së Belgjikës, Roberto Martinez. – Thashethemet me trajnerët, ju e dini se si funksionojnë. Nuk ka asgjë më shumë se një anekdotë që më ndihmon ta filloj ditën me një buzëqeshje.”