ASNN – Liga e Parë kryesohet nga dy ekipet shqiptare, Shkupi dhe Renova, mbeten prapa dy të tjerat. “Prva Liga”, apo Liga e Parë, siç njihet ndryshe niveli më i lartë i Kampionatit të Futbollit të Maqedonisë së Veriut vijon këtë sezon të flasë bindshëm shqip. Dhe pasi sezonin e shkuar ishin 3 skuadra shqiptare, Shkëndija e Tetovës, që u shpall kampione, por edhe Shkupi dhe Struga, që e mbyllën në 3 vendet e para të renditjes, kjo prirje ka vijuar edhe këtë sezon.

Dhe, në prag të javës së 11-të, që është edhe e fundit e fazës së parë, është nënkampionia e sezonit të shkuar, Shkupi, që synon të shkojë një hap më larg këtë sezon, që kryeson renditjen në kuotën e 23-pikëve, pas 7 fitoreve, dy barazimeve dhe një humbjeje në 10 ndeshjet e para, ku ka edhe sulmin më të mirë, me 19 gola të shënuar, dhe mbrojtjen më të mirë, me vetëm 6 të pësuar.

Dhe pas skuadrës kryeqytetase vjen një tjetër skuadër shqiptare, Renova, e cila mban vendin e dytë, me 21 pikë, dy më pak sesa Shkupi kryesues por 3 më tepër se ndjekësja më e afërt, Akademia Pandev. Ndërkaq kanë mbetur prapa dy skuadrat e tjera shqiptare në këtë kampionat, pasi kampionia në fuqi, Shkëndija e Tetovës, mban vendin e 6-të, me vetëm 14 pikë të marra pas 10 javësh, po aq sa ka edhe Struga e vendit të 7-të.

Megjithatë, ka mbetur edhe pak më tepër sesa 60 % e sezonit për t’u luajtur në Maqedoni dhe këtë fundjavë sytë do të jenë tek përballja e kreut, derbi shqiptar midis Shkupit të vendit të parë dhe Renovës së vendit të dytë, që luhet pasdreke në kryeqytet.

Liga e Parë

e Maqedonisë së Veriut

Të shtunën, 23/10/2021:

(14:00)            KF Shkupi – Renova

Të dielën, 24/10/2021:       

(14:00)            Borec – Akademija Pandev

(14:00)            Pelister Bitola – Bregalnica Shtip

(14:00)            Skopje – Tikvesh Kavadarçi

(14:00)            Shkëndija Tetovë – Rabotniçki Skopje

(14:00)            Makedonija Gjorce Petrov – Struga Trim & Lum

Renditja

Nr.       Skuadra                                 N.        F.         B.        H.        Gsh-Gp          Pikë

1. Shkupi                                   10        7          2          1          19-6                23
2. Renova                                  10        6          3          1          18-8                21
3. Akademija Pandev              10        5          3          2          16-10              18
4. Bregalnica Shtip                  10        4          4          2          16-14              16
5. Rabotniçki Skopje                10        4          3          3            9-8                15
6. Shkëndija Tetovë                 10        3          5          2          17-10              14
7. Struga Trim & Lum               10        3          5          2          10-8                14
8. Skopje                                    10        3          3          4            7-13              12
9. Maked. Gjorce Petrov          10        3          1          6          12-23              10
10. Borec 10        2          2          6            8-18                8
11. Tikvesh Kavadarçi             10        1          3          6            6-12                6
12. Pelister Bitola 10        0          4          6            4-12                4